ამერიკის შეერთებულმა შტატებმა რუსეთს დამატებითი სანქციები დაუწესა,- ამის შესახებ ინფორმაციას აშშ-ის სახელმწიფო დეპარტამენტი ავრცელებს.

დეპარტამენტის ცნობით, სანქცირებულთა სიაში სამი რუსი ოლიგარქი, ოთხი ფიზიკური პირი და ერთი სუბიექტი შევიდა, რომლებიც უკრაინის ტერიტორიაზე უკანონოდ მოქმედებდნენ.

გარდა ამისა, სანქციები ასევე შეეხო 24 კომპანიას, რომლებიც თავდაცვის ტექნოლოგიებთან არიან დაკავშირებული.

დეპარტამენტის ცნობით, აშშ ასევე უწესებს სავიზო შეზღუდვებს რუსეთის ფედერაციის 893 თანამდებობის პირსა და 31 უცხო ქვეყნის მთავრობის წარმომადგენელს, რომლებიც რუსეთის მიერ ყირიმის რეგიონის ანექსიის მხარდასაჭერად მოქმედებდნენ.

დასანქცირებულ ოლიგარქებს შორის არიან: დიმიტრი პუმპიანსკი, ანდრეი მელნიჩენკო და ალექსანდრე პონომარენკო. ამასთან, აშშ-ის სახაზინო დეპარტამენტმა სანქციები ასევე დაუწესა რუსეთის ფედერაციის პრეზიდენტის, ვლადიმერ პუტინის მეგობარ ქალს, ალინა კაბაევასაც.

შეგახსენებთ, რომ აპრილში Wall Street Journal-მა გაავრცელა ინფორმაცია, რომ კაბაევას სანქციების დაწესება აშშ-ს მიერ განოხილებოდა.

გარდა ამისა, კაბაევას სანქციები მანამდე უკვე დაუწესა ევროკავშირმა და გაერთიანებულმა სამეფომ.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა