ფეხსაცმლისა და ტანსაცმლის ამერიკული მწარმოებელი Nike რუსეთის ბაზარს ტოვებს, წერს „ვედომოსტი“. დღეს ცნობილი გახდა, რომ ტანსაცმლის ბრიტანული მწარმოებელი Marks & Spencer სრულიად გადის რუსეთიდან.
გაზეთის ცნობით, Nike-ს არ განუახლებია ფრენჩაიზის ხელშეკრულება Inventive Retail Group-თან, რომელიც ფლობს ქვეყნის უდიდეს ერთ-ბრენდული საცალო მაღაზიების ქსელს.

ცნობილია, რომ კომპანია უახლოეს მომავალში ვერ შეძლებს რუსეთის ფედერაციაში მიწოდების ორგანიზებას და რადგან მარაგები ამოიწურება, IRG იძულებული იქნება დახუროს ყველა მაღაზია ამ ბრენდის ქვეშ.

IRG-ის საზოგადოებასთან ურთიერთობის დირექტორმა ლუდმილა სემუშინამ ვედომოსტისთვის დაადასტურა, რომ Nike-ის პროდუქტების მიწოდება შეჩერებულია და თავად საქონელი დეფიციტურია.

ამასთან დღეს ცნობილი გახდა, რომ ტანსაცმლის ბრიტანული მწარმოებელი Marks & Spencer საბოლოოდ ტოვებს რუსულ ბაზარს უკრაინაში განვითარებულ მოვლენებთან დაკავშირებით, ნათქვამია კომპანიის მიერ ოთხშაბათს გავრცელებულ განცხადებაში.

რუსეთში საქონლის მიწოდება ჯერ კიდევ მარტში შეწყდა, თუმცა იურიდიული თავისებურებების გამო რუსეთის ბაზრიდან სრულად გასვლა ვერ მოხერხდა, ამიტომ რუსეთის ფედერაციაში 50-მდე Marks & Spencer-ის მაღაზია განაგრძო ფუნქციონირება. ახალ პრესრელიზში ნათქვამია, რომ კომპანია საბოლოოდ დატოვებს რუსეთს.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე