2022-05-09 12:49:25, 1149 ნახვა
მსოფლიო
მოსკოვში გამარჯვების აღლუმის საჰაერო ნაწილი ამინდის გამო გაუქმდა
გამარჯვების დღის აღსანიშნავი აღლუმის საჰაერო ნაწილი მოსკოვსა და სულ მცირე ორ დიდ ქალაქში გაუქმდა . ამის შესახებ კრემლის სპიკერმა დიმიტრი პესკოვმა რუსეთის სახელმწიფო საინფორმაციო სააგენტო TASS-ს განუცხადა.
პესკოვის თქმით, საჩვენებელი სამხედრო ფრენები უამინდობის გამო გაუქმდა.
" მიზეზი არასასურველი ამინდის პირობებია, გამგზავრების აეროდრომებზე "- განაცხადა პესკოვმა.
ადგილობრივი ამინდის პროგნოზის მიხედვით, რუსეთის დედაქალაქში ადგილობრივი დროით საღამოს 7 საათამდე მსუბუქი წვიმა და ზომიერი ნიავი იქნება. გამარჯვების აღლუმი რუსეთში ყოველწლიურად მეორე მსოფლიო ომის დასრულების აღსანიშნავად იმართება.
ავტორი: ექსპრესნიუსი,
epn.ge (@expressnews.ge)
