შვიდი ქვეყანა თანახმაა, გახდეს უკრაინის უსაფრთხოების გარანტი. ამის შესახებ განცხადება უკრაინის პრეზიდენტის აპარატის უფროსმა ანდრეი ერმაკმა RBC-Ukraine-თან ინტერვიუში გააკეთა.

ერმაკმა განაცხადა რომ უკრაინის უსაფრთხოების გარანტორებს შორის შეერთებული შტატები, დიდი ბრიტანეთი, საფრანგეთი, გერმანია, თურქეთი, პოლონეთი, იტალია და იტალია მოიაზრება, თუმცა უკრაინას სურს მათ შორის ჩინეთის სახალხო რესპუბლიკაც იხილოს.

„თითოეულ ქვეყანას აქვს თავისი ისტორია და პოლიტიკა. დღეს შეიძლება ითქვას, რომ უსაფრთხოების გარანტორებს შორის გვინდა ვიხილოთ ჩინეთი, ინდოეთი და, შესაძლოა, სხვა ქვეყნებიც. მაგრამ ეს დამოკიდებულია ასეთი ქვეყნების პოზიციაზე. ჯერჯერობით, ჩინეთს საჯაროდ არ გამოუთქვამს მზადყოფნა მსგავსი მოლაპარაკებებისთვის. კონტაქტები, რა თქმა უნდა, არის.ჩინეთი სერიოზული მოთამაშეა საერთაშორისო არენაზე. ჩვენ გვაქვს ყველაზე მაღალი სავაჭრო ბრუნვა ჩინეთთან და მე მჯერა, რომ უსაფრთხოება მნიშვნელოვანი იქნება როგორც ჩინეთისთვის, ასევე უკრაინისთვის. უკვე ბევრი სტრატეგიული პარტნიორი დათანხმდა, რომ გახდეს უკრაინის უსაფრთხოების გარანტი, ესენია: შეერთებული შტატები, დიდი ბრიტანეთი, საფრანგეთი, გერმანია, თურქეთი, პოლონეთი, იტალია და სხვა,“ - აღნიშნა იერმაკმა.

უკრაინის პრეზიდენტის აპარატის უფროსმა იმედი გამოთქვა, რომ ჩინეთი შეუერთდება გარანტორებს,  როდესაც დოკუმენტის პროექტი მზად იქნება.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი