2022-05-04 10:51:22, 1359 ნახვა
ომი უკრაინაში
რუსმა სამხედროებმა ღამით უკრაინაში 20-ზე მეტი სარაკეტო დარტყმა განახორციელეს
3 მაისს რუსეთის ჯარებმა 20-ზე მეტი რაკეტა გაისროლეს უკრაინის სხვადასხვა რეგიონში, მათი უმეტესობა ქვეყანას კასპიის ზღვიდან უტევდა. ამის შესახებ ინფორმაციას უკრაინული მედია ავრცელებს.
მედიის თანახმად, უკრაინის მთელ ტერიტორიაზე საჰაერო განგაში ამოქმედდა. სარაკეტო შეტევას რუსული TU-95 და TU-160 სტრატეგიული ბომბდამშენები ახორციელებდნენ.
"გასროლილი იქნა დაახლოებით 18 რაკეტა, რომლებიც დნეპროპეტროვსკის, კიროვოგრადის, ლვოვის, ვინიცის, კიევისა და ზაკარპატიის რეგიონებში ინფრასტრუქტურულ ობიექტებს დაეცა . სარაკეტო დარტყმები ასევე განხორციელდა ოდესისა და დონეცკის რეგიონებზე,"- ნათქვამია გავრცელებულ ინფორმაციაში.
წინასწარი მონაცემებით,უკრაინელმა სამხედროებმა 8 საკრუიზო რაკეტის ჩამოგდება მოახერხეს
ავტორი: ექსპრესნიუსი,
epn.ge (@expressnews.ge)
