ჩეხეთის ეროვნულმა ბანკმა „Sberbank“-ს  ლიცენზია გაუუქმა, - აღნიშნულის შესახებ ინფორმაციას რუსული მედია Telegram-ით ჩეხეთის ცენტრალური ბანკის მიერ გავრცელებულ პრესრელიზზე დაყრდნობით ავრცელებს.

„აპრილის შუა რიცხვებში ჩეხეთის რესპუბლიკის ცენტრალურმა ბანკმა გააუქმა Sberbank-ისთვის გაცემული ლიცენზია. კომპანიას აპელაციის შესატანად15 დღე ჰქონდა, მაგრამ ეს შესაძლებლობა არ გამოიყენა. ჩეხეთის ეროვნული ბანკის გადაწყვეტილება საბოლოო გახდა“- აღნიშნულია განცხადებაში.

ლიცენზიის გაუქმების მიზეზი 2022 წლის 25 თებერვლიდან კლიენტების წინაშე დეპოზიტების მნიშვნელოვანი გადინების გამო ნაკისრი ვალდებულებების შეუსრულებლობა გახდა, ახლა ბანკი ვეღარ შეძლებს დეპოზიტების მიღებას, სესხების გაცემას ან რაიმე სხვა აქტივობის განხორციელებას ჩეხეთის რესპუბლიკაში.

გარდა ამისა, ჩეხეთის რესპუბლიკის ცენტრალური ბანკი სასამართლოს Sberbank CZ-ის ლიკვიდატორის დანიშვნის შესახებ მიმართავს.

შეგახსენებთ, რომ მანამდე ევროკომისიის პრეზიდენტმა ურსულა ფონ დერ ლაიენმა უკვე განაცხადა, რომ რუსეთის წინააღმდეგ ევროკავშირის სანქციების მეექვსე პაკეტში, სავარაუდოდ „Sberbank”-იც მოხვდებოდა.

ავტორი: ექსპრესნიუსი,

სოციალური ქსელები

აშშ-მ განაცხადა, რომ ირანის წინააღმდეგ „ისტორიაში ყველაზე მკაცრ სანქციებს“ დააწესებს

გამოქვეყნდა მისამართები, სადაც საქართველოში სკოლის ფორმების შეძენაა შესაძლებელი.

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა