რუსეთის თავდაცვა - აზერბაიჯანმა ყარაბაღში შეხების ხაზი დაარღვია

2022-04-16 09:48:41, 2188 ნახვა

სამხედრო

რუსეთის თავდაცვის სამინისტროს ცნობით, აზერბაიჯანმა მარტაკერტის (აზერბაიჯანულად აღდარას) რაიონში, იარმჯას დასახლებულ პუნქტში შეხების ხაზი დაარღვია.

რუსეთის თავდაცვის უწყების ინფორმაციის მიხედვით, მათი სამშვიდობო კონტინგენტის სარდლობა აზერბაიჯანისა და მთიანი ყარაბაღის წარმომადგენლებთან თანამშრომლობით ინციდენტის მოსაგვარებლად ზომებს იღებს.

"იარმჯას დასახლებული პუნქტის რაიონში აზერბაიჯანის მხარის მიერ დაფიქსირდა შეხების დადგენილი ხაზის დარღვევა. რუსული სამშვიდობო კონტინგენტის სარდლობა, აზერბაიჯანისა და მთიანი ყარაბაღის წარმომადგენლებთან თანამშრომლობით, ინციდენტის მოსაგვარებლად ზომებს იღებს.

უზრუნველყოფილია ლაჩინის დერეფნის გავლით აზერბაიჯანის რესპუბლიკის შეიარაღებული ძალების ოთხი კოლონის გაცილება: ორი ჩრდილოეთით, ორი სამხრეთით". – ნათქვამია რუსეთის თავდაცვის სამინისტროს განცხადებაში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,