რუსეთის მუდმივმა წარმომადგენელმა გაეროში, ვასილი ნებენზიამ რუსეთის ჯარების მონაწილეობა ბუჩას სისასტიკეში მოულოდნელად აღიარა დაუკრაინაში ომს რამდენჯერმე რუსეთის ფედერაციის "სპეციალური ოპერაცია" უწოდა. 

"რუსმა დიპლომატმა, რომელიც რუსეთის აგრესიას ამართლებდა, მოულოდნელად შეცდომით გააჟღერა, რომ ბუჩაში რუსი სამხედროების მისვლამდე მოკლულთა ცხედრები არ იყო." - ამის შესახებ ყურადღება გაეროში უკრაინის წარმომადგენელმა გაამახვილა.

"რას ხედავთ ბუჩაში ? გვამებს?. გვამები, რომლებიც რუსი სამხედროების შესვლამდე არ იყო... მაპატიეთ", - განაცხადა რუსეთის ფედერაციის მუდმივმა წარმომადგენელმა.

პუტინის ოპონენტმა მიხეილ ხოდორკოვსკიმ, თავის მხრივ, ნებენზის გამოსვლას „ფროიდისტული სვლა“ უწოდა.

უკრაინელმა დიპლომატმა ნებენზია სხვა მანიპულაციითაც დაიჭირა - როცა ნებენზიამ ბუჩას საკრებულოს წევრის ეკატერინა უკრაინცევას ინტერვიუდან ფრაგმენტებს ციტირებდა. ნებენზიამ თქვა, რომ უკრაინცევამ თითქოს დაადასტურა, რომ ოკუპანტებს "ხალხი არ დაუხვრიტავთ".  

ბუჩას განთავისუფლების შემდეგ,  უამრავი ფოტო და ვიდეო გავრცელდა, რაც რუსი ოკუპანტების სისასტიკეს ასახავს. კერძოდ, კადრებში ჩანს ბუჩას ქუჩებში მწოლიარე მშვიდობიანი მოქალაქეების ცხედრები, რომლებსაც  ხელები შეკრული და ცეცხლსასროლი იარაღით თავის არეში ჭრილობები აქვთ მიყენებული. 

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება