უკრაინის ქალაქ ბუჩას მერმა, ანატოლი ფედორუკმა განაცხადა, რომ რუსულმა ჯარებმა ოკუპაციის დროს ქალაქში დაახლოებით 320 მშვიდობიანი მოქალაქე მოკლეს. ამის შესახებ მან BBC-სთან საუბრისას აღნიშნა.

როგორც ქალაქის მერმა აღნიშნა, ის პირადად მოესწრო ოკუპანტების მიერ რამდენიმე ადამიანის სიკვდილით დასჯას.

„რამდენიმე ეპიზოდი ვნახე. იყო სამი სამოქალაქო მანქანა, რომლებიც ცდილობდნენ ევაკუაციას კიევისკენ და ისინი სასტიკად დახვრიტეს. იყო ორსული ქალი, რომლის ქმარი ყვიროდა და სთხოვდა, არ ესროლათ, მაგრამ სასტიკად დახვრიტეს“, - იხსენებს მერი.

გარდა ამისა, ფედორუკმა დასძინა, რომ რუსული ძალები ოკუპაციის დროს ადგილობრივ პოლიტიკოსებზე „ნადირობდნენ“.

ქალაქის მერმა მოუწოდა რუსეთის საგარეო საქმეთა მინისტრს, სერგეი ლავროვს, რომელმაც უარყო რუსული ჯარების სისასტიკე, „ჩასულიყო ქალაქ ბუჩაში და ენახა დაღუპულთა ცხედრები, თვალებში ჩაეხედა მათი ოჯახებისთვის, დედებისთვის,, ქმარებისთვის, ბავშვებისთვის, რომლებიც ობლები დარჩნენ“.

ავტორი: ექსპრესნიუსი,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება