2022-03-20 11:21:49, 1028 ნახვა

---

ეკონომიკის სამინისტრო - „ტვ პირველმა" მესტიის მუნიციპალიტეტში ქვიშრობული ოქროს შესწავლა - მოპოვების ლიცენზიის გაცემის შესახებ მცდარი ინფორმაცია გაავრცელა

ეკონომიკისა და მდგრადი განვითარების სამინისტრო მესტიის მუნიციპალიტეტში ქვიშრობული ოქროს შესწავლა - მოპოვების ლიცენზიის გაცემის შესახებ განცხადებას ავრცელებს.

მათი ცნობით, ამ საკითხზე მედიაში მცდარი და გადაუმოწმებელი ინფორმაცია გავრცელდა.

„ტელეკომპანია „ტვ პირველმა" ერთ-ერთ გადაცემაში გაავრცელა მცდარი და გადაუმოწმებელი ინფორმაცია მესტიის მუნიციპალიტეტში ქვიშრობული ოქროს შესწავლა - მოპოვების ლიცენზიის გაცემის შესახებ.

ვაცხადებთ, რომ მესტიის მუნიციპალიტეტში, სოფლების - ღვებალდის და გვალდერის მიმდებარე ტერიტორიაზე, სასარგებლო წიაღისეულის (ქვიშრობული ოქრო) შესწავლა-მოპოვების მიზნით ლიცენზიის გაცემაზე, 2022 წლის 15 თებერვალს გამართული ელექტრონული აუქციონის შედეგად, ლიცენზია არ გაცემულა. შესაბამისად, აღნიშნული მედიის მხრიდან ადგილი ჰქონდა მიზანმიმართული დეზინფორმაციის გავრცელებას და საზოგადოების შეცდომაში შეყვანას“,-აღნიშნულია განცხადებაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი