2022-03-08 15:58:33, 708 ნახვა
მსოფლიო
ბრიტანული ნავთობკომპანია Shell-ი ნედლ რუსულ ნავთობსა და გაზს აღარ შეისყიდის
უმსხვილესი ბრიტანული ნავთობკომპანია Shell-ი რუსული ნედლი ნავთობისა და გაზის შესყიდვაზე უარს ამბობს. ამის შესახებ განცხადებას კომპანია საკუთარ ვებგვერდზე აქვეყნებს.
კომპანია ასევე ბოდიშს იხდის, გასულ კვირას განხორციელებული შენაძენისთვის, რის გამოც Shell-ი უკრაინის საგარეო საქმეთა მინისტრმა, დიმიტრო კულებამ მკაცრად გააკრიტიკა.
„ჩვენ კარგად ვაცნობიერებთ ჩვენს გადაწყვეტილებას, გასულ კვირას რუსული ნედლი ნავთობის პარტიის შეძენასთან დაკავშირებით, რომელიც ბენზინსა და დიზელად უნდა გადამუშავდეს, მიუხედავად იმისა, რომ შეძენა განხორციელდა მიწოდების უსაფრთხოების გათვალისწინებით, ეს არ იყო სწორი და ბოდიშს ვიხდით", - აღნიშნულია განცხადებაში.
ავტორი: ექსპრესნიუსი,
epn.ge (@expressnews.ge)
