2022-02-28 00:11:10, 940 ნახვა
მსოფლიო
უკრაინის ჯანდაცვის მინისტრი მოუწოდებს ჯანმო-ს, რუსეთთან თანამშრომლობა შეწყვიტოს
უკრაინის ჯანდაცვის მინისტრი ვიქტორ ლიაშკო მოუწოდებს ჯანდაცვის მსოფლიო ორგანიზაციას, რუსეთის უკრაინაში შეჭრის გამო, რუსეთთან თანამშრომლობა შეწყვიტოს.
როგორც ჯანდაცვის მინისტრმა აღნიშნა, რუსეთმა განსაკუთრებული სისასტიკითა და ცინიზმით დაიწყო ტერორისტული ქმედებები უკრაინაში მშვიდობიანი მოქალაქეებისა და ექიმების წინააღმდეგ, საერთაშორისო სამართლის ყველა ნორმის დარღვევით.
„რუსი ოკუპანტები ბომბავენ საავადმყოფოებს, სასწრაფო დახმარების მანქანებს, ბავშვთა სახლებს და მშვიდობიან მოსახლეობას! ჩვენთან ყოველდღიურად იღუპებიან სამედიცინო სფეროს წარმომადგენლები, პროფესიული სამუშაოს შესრულების დროს - ადამიანთა სიცოცხლის გადარჩენისას", - განაცხადა მინისტრმა.
ავტორი: ექსპრესნიუსი,
epn.ge (@expressnews.ge)
