თბილისის საქალაქო სასამართლო კრიმინალური პოლიციის დეპარტამენტის ყოფილი დირექტორის ირაკლი ფირცხალავასა და შსს-ს ყოფილი თანამშრომლების ბრალეულობაზე მსჯელობს.

კორტების სპეცოპერაციის საქმეზე დაკავებული პირების სასამართლო პროცესი რამდენიმე წუთის წინ დაიწყო, თუმცა პროცესის დაწყებამდე სხდომათა დარბაზის მიმდებარედ ინციდენტი მოხდა.

ერთმანეთს იური ვაზაგაშვილის ოჯახის ახლობლები და დაკავებული სპეცრაზმელების ნათესავები დაუპირისპირდნენ.

დაპირისპირების მიზეზი გახდა ის, რომ მოქალაქეთა ერთი ჯგუფი ითხოვდა, დღევანდელი სასამართლო პროცესი დიდ დარბაზში ჩატარებულიყო, რადგანაც ამ პროცესზე დამსწრე ადამიანების რაოდენობა საკმაოდ დიდია.

გარდა ამისა, მას შემდეგ, რაც სასამართლოში სამეგრელოში პრეზიდენტის ყოფილი რწმუნებული თენგიზ გუნავა და შსს-ს საინფორმაციო-ანალიტიკური დეპარტამენტის ყოფილი უფროსი შოტა უტიაშვილი მივიდნენ, მეორე დაპირისპირება მოხდა. მათ „თავისუფალი თაობის“ წევრებმა და მისმა ლიდერმა ლადო საღობელაშვილმა სიტყვიერი შეურაცხყოფა მიაყენეს.

სიტუაცია ადგილზე მობილიზებულმა საპატრულო პოლიციამ განმუხტა, თუმცა ამ დროისთვის ხმაური სასამართლოს პროცესზე შესვლასთან დაკავშირებით გრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა

მაუწყებლებს, რომლებსაც საინფორმაციო გამოშვება არ აქვთ, უცხოური დაფინანსების მიღება აღარ აეკრძალებათ