2022-02-10 17:12:48, 729 ნახვა

---

სერგეი ლავროვი ტრასთან შეხვედრაზე - იმედგაცრუებული ვარ, გამოგვდის მუნჯის საუბარი ყრუსთან, თითქოს ვუსმენთ, მაგრამ არ გვესმის

იმედგაცრუებული ვარ იმით, რომ მუნჯის ყრუსთან საუბარი გამოგვდის, თითქოს ვუსმენთ მაგრამ არ გვესმის, - ასე შეაფასა რუსეთის საგარეო საქმეთა მინისტრმა ბრიტანელ კოლეგასთან, ლიზ ტრასთან შეხვედრა.

ლიზ ტრასმა კი რუსეთის საგარეო საქმეთა მინისტრს, სერგეი ლავროვს გაფრთხილებით მიმართა და განაცხადა, რომ რუსეთმა უკრაინის ტერიტორიულ მთლიანობასა და სუვერენიტეტს პატივი უნდა სცეს.

"უკრაინასთან ომი, როგორც რუსეთისთვის ასევე, უკრაინისთვის და ევროპული უსაფრთხოებისთვის კატასტროფული იქნება. რუსეთმა უკრაინის ტერიტორიულ მთლიანობასა და სუვერენიტეტს, 1994 წლის ბუდაპეშტის მემორანდუმის ხელშეკრულებისამებრ, პატივი უნდა სცეს". - თქვა ბრიტანეთის საგარეო საქმეთა მინისტრმა. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი