დევნის გამო, ცნობილმა რუსმა მწერალმა ვიქტორ შენდეროვიჩმა რუსეთი დატოვა

2022-01-12 11:56:22, 1602 ნახვა

მსოფლიო

ცნობილმა რუსმა მწერალმა, სატირიკოსმა და დრამატურგმა ვიქტორ შენდეროვიჩმა რუსეთი დატოვა. მან განაცხადა, რომ საზღვარგარეთ დაელოდოება რუსეთში უკეთესი დროის დადგომას.
ამ გადაწყვეტუილების მიზეზად მწერალი მოსალოდნელ სისხლისსამართლებრივ დევნას ასახელებს.
„უწყების მიღების დროს, მე ყოველთვის ვცხადდებოდი დაკითხვაზე სასამართლოში. ნაწილობრივ ცნობისმოყვარეობის, ნაწილობრივ სასამართლოსადმი ნდობის, ნაწილობრივ ბედისა და ჯანსაღი აზრის გამარჯვებისადმი ბავშვობის დროს შეძენილი რწმენის გამო“, - წერს შენდეროვიჩი თავის ფეისბუკგვერდზე და დასძენს, რომ სწორედ „ჯანსაღი აზრის გამო“ აღარ აპირებს პირად მონაწილეობას სისხლის სამართლის იმ საქმეში, რომელსაც მას „კრემლის მზარეული“ პრიგოჟინი უმზადებს.
2021 წლის 30 დეკემბერს რუსეთის იუსტიციის სამინისტრომ ვიქტორ შენდეროვიჩი "უცხოეთის აგენტების" განახლებულ სიაში შეიყვანა. სამინისტრომ განაცხადა, რომ გადაწყვეტილება მიღებულ იქნა "უფლებამოსილი სამთავრობო ორგანოებისგან მიღებული დოკუმენტების საფუძველზე". მიღებული ინფორმაციის მიხედვით, როგორც სამინისტრო აცხადებს, "ეს პირები სისტემატურად ავრცელებდნენ მასალებს ადამიანების განუსაზღვრელ წრეებში და, ამასთან, დაფინანსებას უცხოეთიდან იღებდნენ".
შენდეროვიჩი 2008 წლის მოვლენების გამო საქართველოს ბოდიში მოუხადა. "ეხო მოსკვის" ეთერში შენდევიჩმა განაცხადა, რომ ომი რუსეთმა კი არა, საქართველომ გადაიტანა და შედეგად, საკმაოდ დიდი ტერიტორიაც დაკარგა.
მისი თქმით, რუსეთმა სამხრეთ ოსეთში რეპეტიცია გაიარა, შემდეგ კი დახვეწილი ფორმით ანალოგიური უკრაინაში გაიმეორა.