2021-12-27 15:37:34, 632 ნახვა

---

თბილისის მერიის ბიბლიოთეკების გაერთიანება პენიტენციურ დაწესებულებებში არსებულ ბიბლიოთეკებს 13 000-ზე მეტ წიგნს გადასცემს

 

თბილისის მერიის ინფორმაციით, პენიტენციური დაწესებულებების ბიბლიოთეკების განახლების ხელშეწყობის მიზნით, მსჯავრდებულთა პროფესიული მომზადებისა და გადამზადების ცენტრსა და თბილისის მუნიციპალიტეტის მულტიფუნქციური ბიბლიოთეკების გაერთიანებას შორის ურთიერთთანამშრომლობის მემორანდუმი გაფორმდა.

უწყების ცნობით, მემორანდუმის თანახმად, მსჯავრდებულთა პროფესიული მომზადებისა და გადამზადების ცენტრს თბილისის მულტიფუნქციური ბიბლიოთეკების გაერთიანება 13 000-ზე მეტ წიგნს უსასყიდლოდ გადასცემს.

მათივე ინფორმაციით,  ღონისძიებას იუსტიციის მინისტრის მოადგილე ბუბა ლომუაშვილი და დედაქალაქის მერის მოადგილე ანდრია ბასილაია დაესწრნენ. შეხვედრაზე მხარეებმა სამომავლო თანამშრომლობასა და ერთობლივი პროექტების განხორციელებაზე ისაუბრეს.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი