„ყველაფერი, რასაც ევროკავშირი ოკოპირებულ რეგიონებთან დაკავშირებით ახორციელებს, ეს განიხილება მხოლოდ საქართველოს ტერიტორიული მთლიანობის კონტექსტში“, - ამის შესახებ ევროპულ და ევროატლანტიკურ სტრუქტურებში სახელმწიფო მინისტრმა დავით ბაქრაძემ აფხაზური მედიის მიერ გავრცელებული ინფორმაციის კომენტირებისას განაცხადა, სადაც აღნიშნულია, რომ ევროკავშირი სოხუმში ოფისს ხსნის.

დავით ბაქრაძე აფხაზური მედიის მიერ გავრცელებულ ინფორმაციას არ ენდობა და ამბობს, რომ მსგავსი ინფორმაციები ბევრჯერ გავრცელებულა, თუმცა საბოლოოდ არ დადასტურებულა.

„რაც შეეხება იმ შინაარს, რაც გაჟღერებული იქნა აფხაზური მედიის სახით, ვფიქრობ კომენტარს იმსახურებს მას შემდეგ, როდესაც ჩვენ ამას მოვისმენთ უშუალოდ ევროკავშირის სპეციალური წარმომადგენლებისგან. ყველაფერი, რასაც ევროკავშირი ოკოპირებულ რეგიონებთან დაკავშირებით ახორციელებს, ეს განიხილება მხოლოდ და მხოლოდ საქართველოს ტერიტორიული მთიანობის კონტექსტში. იმის ალბათობა, რომ იქ ოფისი გაიხსნება, განიხილება მხოლოდ საქართველოს ტერიტორიული მთლიანობის და საქართველოში წარმომადგენლობის ნაწილის კონტექსტში. ძალიან არ არის სანდო მხოლოდ აფხაზური მედიის მიერ გავრცელებული ინფორმაცია. ჩვენ მოგვისმენია ბევრი ასეთი ინფორმაცია, რომელიც საბოლოოდ არ ყოფილა დადასტურებული“, - განაცხადა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი სოციალურ ქსელებში ცენზურაზე - ვისაც იხუტებს ბრიუსელი, ისინი ცდილობენ ზიზღის დათესვას

რუსი ოკუპანტების მიერ უკანონოდ დაკავებული საქართველოს 2 მოქალაქე თავისუფალია

კობახიძე სოციალურ ქსელებში ცენზურაზე - სახელმწიფო უზრუნველყოფს ეფექტიან რეაგირებას

ბაქო - თბილისი - ყარსის ახალი სარკინიგზო მონაკვეთი სრულ ექსპლუატაციაში შევიდა