ვგრძნობ, როგორ ზრუნავენ ადამიანზე და არანაირი მნიშვნელობა არ აქვს მათთვის ტელევიზორში რას ვლაპარაკობ ან რას ვაკეთებ,- პარტია "დროას" ლიდერი, ელენე ხოშტარია სოციალურ ქსელში ექიმებს  მასზე ზრუნვისთვის მადლობას უხდის.

მისი თქმით, ექიმები ძალიან უფრთხილდებიან მის ჯანმრთელობას, თუმცა შეგრძნება აქვს, რომ ექსპრეზიდენტი, მიხეილ სააკაშვილი საპირისპირო მდგომარეობაში იმყოფება. 

"დიდი მადლობა მინდა ვუთხრა რესპუბლიკურის ექიმებს, რომლებიც მონაცვლეობით, 24 საათი ზრუნავენ ჩემს ჯანმრთელობაზე. აქ არანაირი პოლიტიკა, სიძულვილი, გულგრილობა არ არსებობს. ვგრძნობ, როგორ ზრუნავენ ადამიანზე და არანაირი მნიშვნელობა არ აქვს მათთვის ტელევიზორში რას ვლაპარაკობ ან რას ვაკეთებ. სათითაოდ უფრთხილდებიან ჩემს თითო ელექტროლიტს:-) ვახო კალოიანზე ალბათ წიგნს დავწერ:-)

ამას ვწერ და ვფიქრობ, რომ სააკაშვილი ზუსტად საპირისპირო მდგომარეობაშია. ეს ასე აღარ იქნება! ზუსტად ვიცი!" - წერს ხოშტარია. 

ცნობისთვის, მე-11 დღეა, რაც მესამე პრეზიდენტის სამოქალაქო კლინიკაში გადაყვანის მოთხოვნით ელენე ხოშტარია პარლამენტში შიმშილობს.

ავტორი: ექსპრესნიუსი,

სოციალური ქსელები

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო

თინათინ რუხაძე კულტურის მინისტრის თანამდებობას ტოვებს

მოსამართლე თორნიკე კაპანაძემ ია მელითაური 5-დღიან პატიმრობაში გაუშვა

მამუკა ფიფიამ მაგინა და დამემუქრა - პრორუსულ ფლანგში ერთმანეთს დაუპირისპირდნენ