რუსეთის შინაგან საქმეთა სამინისტრომ, ოპოზიციონერების, მოსკოვის დუმის წევრი დიმიტრი გუტკოვი და "ღია რუსეთის" ხელმძღვანელი ანდრეი პივოვაროვი დააკავა.

უსაფრთხოების სტრუქტურების წარმომადგენლებმა დიმიტრი გუდკოვს, მის მამას გენადი გუდკოვს, გუდკოვის შტაბის უფროსს ვიტალი ვენიდიკტოვს და მის ყოფილ თანაშემწეს, "ღია რუსეთის" ყოფილ თავმჯდომარეს ალექსანდრე სოლოვიოვს ბინების ჩხრეკით მოადგნენ. გუდკოვის წინააღმდეგ აღიძრა სისხლის სამართლის საქმე 2015-2017 წლებში არასაცხოვრებელი შენობის საიჯარო ხელშეკრულებით გათვალისწინებული სესხის გადაუხდელობის ფაქტზე (რუსეთის სისხლის სამართლის კოდექსის 165-ე მუხლის მე -2 ნაწილის „ბ“ პუნქტი). დაზარალებული არის მოსკოვის საქალაქო ქონების დეპარტამენტი. ამ შემთხვევაში გუდკოვს ხუთი წლით თავისუფლების აღკვეთა ემუქრება.
ასევე  პეტერბურგში, "ღია რუსეთის" ყოფილი დირექტორი ანდრეი პივოვაროვი  დააკავეს. ორგანიზაციის ლიკვიდაციის შესახებ განცხადებიდან, ორი დღის შემდეგ მის წინააღმდეგ აღიძრა სისხლის სამართლის საქმე არასასურველი ორგანიზაციის საქმიანობის შესახებ. დაკითხვის შემდეგ, პივოვაროვი კრასნოდარში გადაიყვანეს და ადგილობრივი სასამართლო მისთვის აღკვეთის ღონისძიებას აირჩევს.

ოპოზიციონერი პოლიტიკოსების ანდრეი პივოვაროვისა და დიმიტრი გუდკოვის დაკავებებს, არაფერი აქვს საერთო, პოლიტიკასთან: ამის შესახებ განაცხადა პრეზიდენტ პუტინის პრესს მდივანმა დიმიტრი პესკოვმა ბრიფინგზე. 
”პირველ რიგში, ძნელად შესაძლებელია მათი ასოცირება რაიმე პოლიტიკურ პრეტენზიასთან, რადგან სამართალდამცავი ორგანოების ბრალდებებს საერთო არაფერი აქვს პოლიტიკასთან ”, - განაცხადა პესკოვმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს