პრემიერ-მინისტრი ირაკლი ღარიბაშვილი აცხადებს, რომ უახლოეს თვეებში საქართველო კორონავირუსის საწინააღმდეგო ვაქცინების დამატებით დოზებს მიიღებს და ვაქცინაციის პროცესში არ იქნება შეფერხება.

როგორც ირაკლი ღარიბაშვილმა მთავრობის სხდომაზე განმარტა, მიმდინარეობს მოლაპარაკებები, როგორც „კოვაქს“ პლატფორმასთან, ასევე ცალ-ცალკე ვაქცინის მწარმოებლებთან.

„ჩვენ ძალიან ეფექტიან და წარმატებულ მოლაპარაკებებს ვაწარმოებთ ვაქცინის მწარმოებლებთან, როგორც „კოვაქს“ პლატფორმასთან, ასევე უშუალოდ მწარმოებლებთან, ამის თაობაზე დეტალურად რამდენიმე დღეში გვექნება საშუალება, რომ მინისტრთან ერთად დეტალური ინფორმაცია წარმოვადგინოთ, საუბარია „ფაიზერის“ დამატებით ვაქცინების შემოტანაზე ზაფხულში, ივნის-ივლის თვეებში. გვაქვს მოლაპარაკება ჩინური „სინოფარმის“ და „სინოვაკის“ ქარხნებთან, დამატებითი დოზების მოწოდებასთან დაკავშირებით „მოდერნასთან“, ასევე „ნოვავაკთან“, უახლოესი თვეების განმავლობაში ჩვენ დამატებით დოზებს მივიღებთ, არ იქნება არანაირი შეფერხება ვაქცინაციის პროცესში“, - განაცხადა ირაკლი ღარიბაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროკავშირის 21-ე სანქციების პაკეტი რუსეთის წინააღმდეგ ძალაში შევიდა

კობახიძე ვახო სანაიას პარტიულ აქტივისტს უწოდებს და პოლიტიკურ დაკვეთაზე საუბრობს

სავალდებულო სატენდერო შეთავაზება

კაცი, რომელმაც გუშინ ვერაზე 4 ადამიანი დაჭრა, ალადაშვილის კლინიკაშია მოთავსებული