2021-04-30 14:09:35, 1879 ნახვა
ეკონომიკა
მთავრობამ „რიყის დოქები“ აუქციონზე მეოთხედ გაიტანა
მთავრობამ „რიყის დოქები“ აუქციონზე მეოთხედ გაიტანა, ამჯერად ობიექტზე საწყისი ფასი 23.7 მილიონით ნაკლებია და 47.5 მილიონს შეადგენს.
ახალი აუქციონი 29 აპრილს დაიწყო და 17 მაისს დასრულდება.
შეგახსენებთ, რომ პირველად „რიყის დოქები“ 2020 წლის 5 თებერვალს გავიდა აუქციონზე და მისი საწყისი ფასი 95 მილიონი იყო. ამის შემდეგ ეკონომიკის სამინისტრომ ობიექტი 30 მარტს გაიტანა გასაყიდად, თუმცა ელექტრონული აუქციონი უშედეგოდ დასრულდა. მაშინ ობიექტი 71 250 000 ლარად იყიდებოდა.
საქართველოს მთავრობა ობიექტის გაყიდვას უკვე მეორე წელია უშედეგოდ ცდილობს, ობიექტი რიყის პარკში, 14 591 კვადრატულ მეტრზეა განთავსებული.
ავტორი: ექსპრესნიუსი,
epn.ge (@expressnews.ge)
