2021-04-20 00:34:50, 759 ნახვა
კომენტარი
სალომე სამადაშვილი „ენმ“-ზე - ამ გაუგებრობაში ჩემი ადგილი აღარაა
„ამ გაუგებრობაში ჩემი ადგილი აღარაა“, - ამის შესახებ „ერთიანი ნაციონალური მოძრაობის“ ლიდერმა სალომე სამადაშვილმა სოციალურ ქსელში დაწერა.
მან ასევე აღნიშნა, რომ „ერთიანი ნაციონალური მოძრაობის“ პოზიცია უხერუხლი და სასაცილოა.
„სასაცილოდ და ინფანტილურად გამოიყურება ენმ-ის პოზიცია- „მელიას გამოშვების გარეშე არ მოვაწერთ ხელს ამ დოკუმენტს, მაგრამ სხვებმა მოაწერონ, მელია და რურუა გამოაშვებინონ, მერე, ვინც მოაწერს, იმათ „მოღალატეს“ დავუძახებთ“.
ოღონდ, მელიას გამოსვლის შემდეგ, თვითონაც აპირებენ პარლამენტში შემოსვლას. უხერხულია, მხოლოდ ამას ვიტყვი. ტალახს მაინც არ ვისვრი.
ამ გაუგებრობაში ჩემი ადგილი აღარაა. წარმატებები“, - წერს სალომე სამადაშვილი.
ავტორი: ექსპრესნიუსი,
epn.ge (@expressnews.ge)
