ჩინეთის დაავადებათა კონტროლის და პრევენციის ცენტრის წარმომადგენელმა გაუ ფაუმ განაცხადა, რომ ადგილობრივი კორონავირუსის საწინააღმდეგო ვაქცინის ეფექტურობა დაბალია.

როგორც გაუ ფაუმ პეკინში გამართულ პრესკონფერენციაზე აღნიშნა, ეფექტურობის გაზრდის მიზნით, ჩინეთი ვაქცინების შერევის შესაძლებლობას განიხილავს.

ამასთანავე, გაუ ფაუმ განმარტა, რომ ვაქცინაციის პროცესის „ოპტიმიაციის“ ნაბიჯები შესაძლოა მოიცავდეს ვაქცინის დოზების რაოდენობის შეცვლას და დროის ხანგრძლივობას. მან ასევე შესთავაზე სხვადასხვა ვაქცინების გაერთიანება იმუნიზაციის პროცესში.

მოგვიანებით, მან აღნიშნა, რომ მისი კომენტარი არასწორად იყო ინტერპრეტირებული.

„როგორც უნდა გავაუმჯობესოთ ვაქცინების ეფექტურობა, ეს არის საკითხი, რომელიც უნდა განიხილონ მსოფლიოს მეცნიერებმა. მსოფლიოში ყველა ვაქცინის დაცვის მაჩვენებელი რიგ შემთხვევაში მაღალია, რიგში კი, დაბალი“, - განაცხადა გაუ ფაუმ.

BBC წერს, რომ ჩინეთში შექმნილია ოთხი განსხვავებული ვაქცინა, რომელიც დამტკიცებულია საზოგადოებრივი მოხმარებისთვის, თუმცა გარკვეულა კვლევებმა მათი ეფექტურობა 50%-ით შეაფასა. 100 მილიონზე მეტმა ადამიანმა ჩინეთში უკვე მიიღო კოვიდ19-ის საწინააღმდეგო ჩინური ვაქცინის, სულ მცირე, ერთი დოზა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია