მუსიკალური პრემია „გრემი" შოუ-ბიზნესის სფეროში წლის ერთ-ერთ უმნიშვნელოვანეს მოვლენად ითვლება. 

„წლის მუსიკალური ღამის" ტრიუმფატორად შეგვიძლია მომღერალი ბიონსე ჩავთვალოთ - მან გუშინ ჯამში 28 ჯილდო აიღო.

„და კვლავ იქმნება ისტორია. ბიონსემ ქალ შემსრულებლებში „გრემის" რეკორდი მოხსნა და ახლა მას მხოლოდ უნგრელი დირიჟორი გეორგ შოლტი უსწრებს, რომელმაც ერთხელ ერთდროულად 31 ჯილდო მოიპოვა",-ნათქვამია ორგანიზატორთა ღია წერილში.

21 წლის ნოა საირუსმა, მოლოდინების მიუხედავად, ვერც ჯილდო მიიღო და ვერც „პუბლიკის აღიარება" ჰპოვა, სამაგიეროდ მისმა კაბამ Schiaparelli-ს მოდის სახლისგან სოც.ქსელებში ნამდვილი აჟიოტაჟი გამოიწვია.

პრემიის გარეშე არც ბილი ეილიში დარჩენილა, 19 წლის შემსრულებელმა „წლის ჩანაწერის" ნომინაციაში გაიმარჯვა.

Oscar de la Renta-ს ექსკლუზიურ კაბაში გამოწყობილმა ტეილორ სვიფტმა მისთვის ჩვეულ ნომინაციაში „საუკეთესო მუსიკალური ალბომი" ზედიზედ მესამედ გაიმარჯვა. 

კორეული პოპ ჯგუფი BTS წელს „გრემის" ნომინაციაზე წარადგინეს, თუმცა ამის მიუხედავად მათ ჯილდო არ ერგოთ. 

„ნომინაცია „გრემიზე" აღმოსავლური შემსრულებლებისთვის უკვე ძალიან დიდი წარმატებაა",-დაიწერა BTS-ის ინსტაგრტამზე.

შეიძლება ითქვას, რომ პრემიამ განსაკუთრებული აჟიოტაჟისა და მოულოდნელობების გარეშე ჩაიარა, ეს იხსნება იმით, რომ 2020 წელი განსაკუთრებული მუსიკალური წარმატებებით მსოფლიო პანდემიის გამო არ გამოირჩეოდა.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან