ჩოხატაურში, სოფელ ბუკნარში სამართალდამცველების განსაკუთრებული რაოდენობაა მობილიზებული.

სოფლის ცენტრში საპოლიციო ძალები მას შემდეგ გამოჩნდნენ, რაც მუსლიმმა თემმა აქციის გამართვის გადაწყვეტილება მიიღო.

ამასთან, მუსლიმი თემისთვის სოლიდარობის გამოსაცხადებლად მხარდამჭერები სხვადასხვა რეგიონებიდან შეიკრიბნენ. ადგილზე იმყოფებიან სამლოცველოს მოწყობის მოწინააღმდეგებიც.

სოფელ ბუკნარში ქობულეთისა და ჩოხატაურის მუფთი ასლან ბერიძე უკვე ჩავიდა. როგორც მან აღნიშნა, სოფელში ლოცვა გაგრძელდება და ეს ხელს არავის შეუშლის.

შეგახსენებთ, რომ ჩოხატაურის მუნიციპალიტეტში ადგილობრივი მუსლიმები მეჩეთის აშენებას ითხოვენ, რასაც ადგილობრივი ქრისტიანები ეწინააღმდეგებიან. გუშინ, გვიან ღამით დაპირისპირება ფიზიკურ ძალადობაში გადაიზარდა. შედეგად ორი მუსლიმი დაშავდა. საქმეზე შინაგან საქმეთა სამინისტრომ გუშინვე ერთი პირი დააკავა.

ავტორი: ექსპრესნიუსი,

სოციალური ქსელები

საკრებულოების შუალედურ არჩევნებში მონაწილეობას მხოლოდ ოცნება და ლელო მიიღებს

ეკა კუპატაძე თამარ ბაჩალიაშვილის მშობლებს მხარდაჭერას უცხადებს

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე