დავით ბაქრაძე გაეროს განვითარების პროგრამის დირექტორს ნილ სკოტს შეხვდა

2015-09-29 17:14:19, 481 ნახვა

პოლიტიკა

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ საქართველოში გაეროს განვითარების პროგრამის (UNDP) დირექტორთან ნილ სკოტთან გაცნობითი შეხვედრა გამართა.

შეხვედრა მთავრობის ადმინსიტრაციაში გაიმართა.

სახელმწიფო მინისტრის აპარატის ინფორმაციით, შეხვედრაზე მხარეებმა UNDP-ს დახმარების ფარგლებში მიმდინარე აქტივობები მიმოიხილეს.

ასევე, ყურადღება გამახვილდა სამომავლო თანამშრომლობისა და გაეროს განვითარების პროგრამის მხრიდან საქართველოს ევროინტეგრაციის მიმართულებით სამომავლო მხარდაჭერის პერსპექტივებზე.

ამავე კონტექსტში, მხარეებმა ასევე განიხილეს ევროპულ და ევრო-ატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატში ახლად შექმნილი სტრატეგიული კომუნიკაციის დეპარტამენტის შესაძლებლობების განვითარების სამომავლო ხელშეწყობის საკითხებიც.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან