კალაძე რას იძახის, რომ კამპანიას ჩუმად ვაწარმოებთ?  როგორ შეიძლება, საარჩევნო კამპანია აწარმოო ჩუმად, - ასე ეხმაურება ჟურნალისტებთან „ევროპული საქართველოს“ ერთ-ერთი ლიდერი გიგი უგულავა თბილისის მერის, კახა კალაძის განცხადებას, რომლის თანახმად  ოპოზიციური პარტიები საარჩევნო კამპანიას ჩუმად აწარმოებენ.

უგულავა მოუწოდებს ამომრჩეველს, რომ 21 ნოემბერს არჩევნების მეორე ტურში მონაწილეობა არ მიიღონ.

„სამწუხაროდ,მსგავსი სიბრიყვის, უაზრობის და აბსურდის წარმოდგენა, რაც, კახა კალაძემ განაცხადა, უბრალოდ შეუძლებელია. კალაძე რას იძახის, რომ კამპანიას ჩუმად ვაწარმოებთ?  როგორ შეიძლება, საარჩევნო კამპანია აწარმოო ჩუმად? - ჩუმად, ჩუმად, არვინ გაგვიგოს.

მეორე ტურები იგივენაირი სიყალბეა და მოვუწოდებ ამომრჩეველს, 21 ნოემბერს ამ სიყალბეში მონაწილეობა არ მიიღოს იმის მიუხედავად, რომ ხელისუფლება თვლის, ხალხმა არაფერი არ იცის. ის, რაც კანონში წერია, სულ რომ მოკვდე, ბიულეტენში მაინც ეწერები, აი ამით ბრიყვი კალაძე სარგებლობს და ხალხს ეუბნება, როგორც წყალწაღებული ხავსს ეჭიდება, რომ ეგენი ჩუმად აწარმოებენ კამპანიას და ჩუმად იღებენ არჩევნებში მონაწილეობასო“, - განაცხადა გიგი უგულავამ.

ცნობისთვის, დედაქალაქის მერის, კახა კალაძის განცხადებით, ოპოზიცია საარცევნო კამპანიას ფარულად აწარმოებს.

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება