კაპიტულაციის გასაპროტესტებლად ერევანში აქცია იმართება - მომიტინგეები მთავრობის სახლში შეიჭრენ

2020-11-10 04:28:35, 780 ნახვა

მსოფლიო

ერევანში მომიტინგეები მთავრობის შენობაში შეიჭრნენ. მომიტინგეები სომხეთის პრემიერმინისტრის, ნიკოლ ფაშინიანის გადადგომას ითხოვენ.

რამდენიმე ასეული მოქალაქე შეიჭრა სომხეთის პრემიერ-მინისტრის, ნიკოლ ფაშინიანის სამუშაო კაბინეტში, გარდა ამისა ერევნის ქუჩებში გამოსულია უამრავი ადამიანი და მოითხოვენ ფაშინიანის გადადგომას მთიანი ყარაბაღში საომარი მოქმედებების შეწყვეტისა და ეთნიკური სომხების კონტროლის ქვეშ არსებულ ტერიტორიებზე უარის თქმის გამო.

იუწყებიან, რომ დემონსტრანტებს მთლიანად აქვთ დაკავებული მთავრობის სახლი.

მომიტინგეებმა მთავრობის სახლთან შეკრება მას შემდეგ დაიწყეს, რაც ქვეყნის პრემიერმა, ნიკოლ ფაშინიანმა განცხადება გააკეთა, რომლის მიხედვითაც, მან მთიან ყარაბაღში საომარი მოქმედებების დასრულების შეთანხმებას მოაწერა ხელი.