სერიოზულად არც ვუყურებთ, -  ასე ეხმაურება მმართველი გუნდის ვიცე-სპიკერი გიორგი კახიანი ოპოზიციის სამ მოთხოვნას.

მისი თქმით, ოპოზიციის უფლებაა კანონის და გამოხატვის თავისუფლების ფარგლებში მოაწყონ საპორტესტო აქციები და დააყენონ აბსურდული მოთხოვნები.

„ოპოზიციამ მოახერხა მხოლოდ ის, რომ დაახლოებით 6 ათასი ადამიანია შეკრებილი. ეს ერთ რამეზე მეტყველებს - მოსახლეობის უდიდესი ნაწილი ვერანაირად ვერ იზიარებს იმას, რომ არჩევნები შეიძლებოდა გაყალბებულიყო, არავის საქართველოში არ უნდა არეულობა და დესტაბილიზაცია. ამიტომ, ისევ მოვუწოდებთ ოპოზიციურ ჯგუფებს, თუ უნდათ პროტესტი გამოხატონ ამის უფლება ექნებათ. თუმცა, იმედი მაქვს, მალე სწორ გადაწყვეტილებას მიიღებენ, დაუბრუნდებიან ჯერ საარჩევნო რეჟიმს და შემდეგ საპარლამენტო ცხოვრებას. მათი უფლებაა, რომ კანონის და გამოხატვის თავისუფლების ფარგლებში მოაწყონ საპროტესტო აქციები და მათი უფლებაა აბსურდული მოთხოვნები დააყენონ ამ აქციებზე. თუმცა, ბუნებრივია, რომ ჩვენ ამას სერიოზულად არც ვუყურებთ. იმედი მაქვს, ისინი ძალიან მალე თავადვე გაათვითცნობიერებენ თავიანთი მოთხოვნების აბსურდულობას და მიხვდებიან, რომ პოლიტიკურ ჩიხში აღმოჩნდებიან. იმედი მაქვს, დაუბრუნდებიან საარჩევნო რეჟიმს და მოგვიანებით საპარლამენტო ცხოვრებას“, - განაცხადა კახიანმა.

ცნობისთვის, ოპოზიციურმა პარტიებმა პარლამენტის შენობასთან მიმდინარე საპროტესტო აქციაზე ხელისუფლებას სამი მოთხოვნით მიმართეს: გადადგეს თამარ ჟვანია, დაინიშნოს ხელახალი არჩევნები და გათავისუფლდეს პოლიტპატიმრები. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს