ჩვენ აქ არ ვდგავართ მანდატებისთვის, ჩვენი მიზანია თავისუფალი არჩევნები, რომლებიც აიღეს და წაგვართვეს, - ამის შესახებ "ევროპული საქართველოს" ერთ-ერთმა წევრმა, ელენე ხოშტარიამ რუსთაველზე მიმდინარე აქციაზე განაცხადა.

მისივე თქმით, ოპოზიცია შეკრულია ერთ მუშტად, რათა დაამარცხოს ბიძინა ივანიშვილი.

„ჩვენ დღეს აქ არ ვდგავართ არც მანდატებისთვის, არც საპარლამენტო სკამებისთვის, არც რომელიმე კონკრეტული ჯგუფისთვის, აქ ვდგევართ თავისუფალი არჩევანისთვის, არჩევნებისთვის რომელიც გადაწყვიტეს, რომ აიღონ და წაგვართვან. ჩვენ ყველა ვეუბნებით არას, ვერ წაგვართმევთ, საქართველოს მართავს თავისუფალი მოქალაქე და არავინ სხვა. რისი იმედი აქვს დღეს ივანიშვილს, მას აქვს შუღლის, ჩვენი დაპირისპირების, უმოქმედობის და რეპრესიების იმედი, გუშინ კიდევ ორი პოლიტპატიმარი დაამატეს, ჩვენ შეგვიძლია მშვიდად გავაგრძელოთ ცხოვრება, როდესაც ეს ადამიანები არიან ივანიშვილის მძევლები? ჩვენ ვაპირებთ ერთიანად, პრინციპულად, შეუპოვრად, ჩვენი თავისუფლებისთვის ბრძოლას.

დღეს ბიძინა ივანიშვილი გვატყუებს, რომ თითქოს გვაქვს არჩევანი უსაფრთხოებას და თავისუფლებას, თითქოს ჩვენ თავისუფლება ჯანდაცვის ხარჯზე გადის. არც არსებობს არც უსაფრთხოება, არც ჯანდაცვა, არც განათლება და არანაირი პერსპექტივა თავისუფლება და სწორედ ამიტომ, ჩვენ მთელი საქართველო შევიკრიბეთ დღეს აქ და აუცილებლად გამოგვლიჯავთ ამ სპეკულაციის საშუალებას არ მივცემთ და დავიბრუნებთ არჩევნებს.

ჩვენ პოლიტიკურ ოპოზიციას დიდი პასუხისმგებლობა გვაქვს თქვენი, თავისუფალი მოქალაქეების წინაშე და მიმიღია და მივიღებ პრეტენზიებს, მაგრამ დღეს არ შემიძლია არ ვიამაყო ამ ერთობით, გადამწყვეტ მომენტში, ყველაფერი გადავდეთ, ყველანაირი ეგოიზმი, ყველანაირი ჩხუბი და ყველა ერთად, ერთ მუშტად შეკრული მრავალპარტიული გუნდი წარმოგიდგენთ გეგმას, როგორ დავამარცხებთ ურჩხულს და დავიბრუნებთ ჩვენ ქვეყანას“, - განაცხადა ელენე ხოშტერიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს