ხელისუფლების პასუხისმგებლობაა იყოს მაქსიმალურად  კონსტრუქციული და მომთმენი, მაგრამ ამავდროულად, პრინციპული, იმიტომ, რომ საშუალება არ მიეცეს სხვადასხვა ტიპის პროვოკაციას, - აღნიშნა ფინანსთა მინისტრმა ივანე მაჭავარიანმა დღეს, მთავრობის ადმინისტრაციაში გამართულ ბრიფინგზე ქვეყანაში მიმდინარე პოლიტიკური ვითარების შეფასებისას.

მისი თქმით, მნიშნელოვანია ყველა კითხვას, რომელიც უკავშირდება საარჩევნო პროცესთან დაკავშირებულ საკითხებს გაეცეს ზუსტი და ამომწურავი პასუხი.

„ნებისმიერ შემთხვევაში, ჩვენი პასუხისმგებლობა არის ის, რომ არც ერთი კითხვა არ დარჩეს პასუხგაუცემელი, როდესაც საკითხი ეხება თითოეულ ოქმს,  დოკუმენტს, რომელზედაც არის პრეტენზცია, რომ არის ხარვეზიანი ან პრობლემური. ეს პირველი რიგის პასუხისმგებლობაა. მეორეა, ხელისუფლება იყოს მაქსიმალურად კონსტრუქციული, მომთმენი, მაგრამ ამავდროულად, პრინციპული, რათა არ მიეცეს საშუალება  სხვადასხვა ტიპის პროვოკაციას. დარწმუნებული ვარ, რომ ჩვენი ოპოზიციური პარტიების უმეტესობა არ არის მომხრე,  შინაგანად არ არის თანახმა რაღაც ტიპის პროვოკაციაზე. არის ნაწილი, რომელიც წამსვლელია ალბათ უფრო მძიმე ნაბიჯებზე და თავზე ხელის აღებაც არ გაუჭირდებათ. ძალიან მნიშვნელოვანია, რომ კონსტრუქციულობის ელემენტმა იარსებოს და  ხელისუფლების ვალია,  რომ  ყოველთვის გამოხატავდეს კონსტრუქციულობას და მაქსიმალურად აირიდოს პროვოკაციები", - განაცხადა ფინანსთა მინისტრმა ივანე მაჭავარიანმა.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს