ოპოზიცია აპროტესტებს იმას, რაც თავიანთმა კვლევებმაც კი აჩვენა, - ამის შესახებ „ქართული ოცნების“ წევრმა მამუკა მდინარაძემ პარტიის ცენტრალურ ოფისში გამართულ ბრიფინგზე განაცხადა.

როგორც მან აღნიშნა, ჩატარებულ ეგზიტპოლებსა და კვლევებში ცდომილების ზღვარი მეასედები იყო.

„ „რუსთავი 2“-ის დაკვეთით ჩატარებულ კვლევაში არის მაქსიმუმ 3-პროცენტიანი ცდომილება ეგზიტპოლსა და დამდგარ შედეგებს შორის, რიგ შემთხვევაში, ასევე ობიექტურად უნდა ითქვას, რომ  როგორც „ედისონ რისერჩის“ ანუ, „ფორმულას“ მიერ დაკვეთით ჩატარებულ კვლევებში არის მეასედები ცდომილება და იშვიათ შემთხვევაში 2 ან  მაქსიმუმ 3- პროცენტიანი ცდომილებაც კი არ არის. ეს არის წინასწარი პროგნოზები, ეგზიტპოლის შედეგები და ასევე ის შედეგები, რომელიც დღეს ასახულია საბოლოო დღევანდელი მოცემულობით. ეს შედეგები კიდევ მოწმდება ოქმების საფუძველზე. აქ უკვე მგონი, სურათი ძალიან ნათელია, აპროტესტებენ იმას, რაც თავიანთი დაკვეთით შეასრულეს ორგანიზაციებმა და გადმოსცეს საზოგადოებას კონკრეტული შედეგები. ყველა პატარა პარტია, რომელმაც მიიღო 2,3, ან 1 - პროცენტიანი შედეგი ყველა წინასწარ იყო ინფორმირებული, მესადებების სიზუსტით დაემთხვა შედეგები როგორც „ედისონ რისერჩის“, ხშირ შემთხვევაში, ასევე „მთავარისა“ და „რუსთავი 2“-ის დაკვეთით ჩატარებულ კვლევებს. „ქართული ოცნების“ შემთხვევაში 5 და თუ არ ვცდები, 6- პროცენტიანი სხვაობაც კი იყო „იმედის“ დაკვეთით შესრულებულ კვლევებში, მაგრამ სხვა კვლევებში პატარა პარტიებთან მიმართებით ასეთი უზუსტობები არ ყოფილა და აპროტესტებენ იმას, რაც თავიანთმა კვლევებმაც კი აჩვენა“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს