თუ არის გაყალბება, სიყალბეში არ უნდა მიიღო მონაწილეობა, - ამის შესახებ ჟურნალისტებს „ევროპული საქართველოს“ ერთ-ერთმა ლიდერმა გიგი უგულავამ ოპოზიციური პარტიების შეხვედრის დასრულების შემდეგ განუცხადა.

მისი თქმით, ერთპარტიულ, ერთ თარგზე მოჭრილ ცახესების პარლამენტს ქართული საზოგადოება არ მიიღებს.

„დღეს პოლიტიკურმა ოპოზიციამ ანახა პოლიტიკური სიმწიფე, ერთგულება პრინციპებისადმი, ერთგულება სამართლიანი თამაშის წესებისადმი. ეს რომ ჩვენ არ გაგვეკეთებინა, ვიტრიალებდით იგივე წრეზე. იქნებოდა გაუგებარი საუბრები გაყალბებაზე. თუ არის გაყალბება, სიყალბეში არ უნდა მიიღო მონაწილეობა. დღეს საკითხი ზუსტად ასე დგას, რომ პარლამენტში შესვლა ნიშნავს „ქართულ ოცნებაში“ შესვლას. ამიტომაც ვარ ამაყი, რომ სრულიად ოპოზიციამ მიიღო შესაბამისი გადაწყვეტილება. ეს ერთსულოვნება ნიშნავს იმას, რომ ჩვენ ან გვექნება ახალი არჩევნები ან მივიღებთ ივანიშვილის ჯამახერიას, რომელიც ასევე ჩამოიქცევა. ერთპარტიულ, ერთ თარგზე მოჭრილ ცახესების პარლამენტს ქართული საზოგადოება არ მიიღებს. ყველაზე გვიან გაზაფხულზე ეს პარლამენტი თავისით ჩამოიქცევა“, - განაცხადა გიგი უგულავამ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს