"ევროპული საქართველოს" ლიდერი, დავით ბაქრაძე, მოსახლეობას მიმართავს, რომ მივიდნენ ხვალიდნელ არჩევნებზე, რათა ქვეყანაში დასრულდეს უიმედობა, უპერსპექტივობა, გაზრდილი ფასები, სიღარიბე, კრიმინალი და მოხდეს გარდამტეხი ცვლილებები.

„ხვალ არის 31 ოქტომბერი, დღე, რომელიც განსაზღვრავს როგორი იქნება მომავალი 4 წელი ჩვენი ქვეყნისა და თითოეული ჩვენგანის ოჯახისთვის. დღე, რომელიც განსაზღვრავს, გაგრძელდება თუ არა ყველა ის პრობლემა, რომელშიც დღეს ცხოვრობს ჩვენი საზოგადოება, უმუშევრობა, სიღარიბე, ეკონომიკური გაჭირვება, გაზრდილი ფასები, კრიმინალი, უიმედობა და უპესრპეტივობა, მუდმივი დაპირისპეირება და ნერვიულობა საზოგადოებაში.

ეს ყველაფერი გახლავთ ბოლო 8 წელში ივანიშვილის და ქართული ოცნების მმართველობის შედეგი, ჩვენი შანსი და შესაძლებლობაა ხვალ ამ ყველაფერს დავუსვათ წერტილი და მოვიტანოთ ქვეყანაში გარდამტეხი ცვლილებები.

დავემშვიდობოთ კრიზისს, უმუშევრობას, უპერსპექტივობასა და დაპირისპირებას და დავიწყოთ ნორმალური ქვეყნის აღმშენებლობა, დავიწყოთ აღმშენებლობა იმისთვის, რომ ქვეყანა გამოვიყვანოთ ეკონომიკური კრიზისიდან, რომ შეიქმნას სამუშაო ადგილები, მოწესრიგდეს ფასები, რომ ადამიანებს არ ეშინოდეთ გარეთ გასვლა და არ ფიქრობდნენ, რომ მათ საკუთარ სამშობლოში დარჩენის და ოჯახის დასაქმების პერსპექტივა არ აქვთ", - განაცხადა ბაქრაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს