მმართველი გუნდის პარტიული სიის მეოთხე ნომრის, თეა წულუკიანის განცხადებით, ეუთო-ოდირის ანგარიშის მიხედვით, საქართველოში სადამკვირვებლო ორგანიზაციების მნიშვნელოვანი ნაწილი პოლიტიკურ პარტიებთანაა აფილირებული.

როგორც წულუკიანმა ბრიფინგზე ჟურნალისტებს განუცხადა, 2020 წლის საპარლამენტო არჩევნებზე დამკვირვებელთა რიცხვი გაორმაგებულია.

„რამდენიმე დღის წინ ეუთოს-ოდირმა გამოაქვეყნა შუალედური ანგარიში, სადაც პირდაპირაა ნათქვამი, რომ საქართველოში სადამკვირვებლო ორგანიზაციების მნიშვნელოვანი ნაწილი პოლიტიკურ პარტიებთან არის აფილირებული.

ჩვენ რა თქმა უნდა ამას ვეთანხმებით და ვიტყვი, რომ წელს დამკვირვებელთა რიცხვი არის გაორმაგებული“, - განაცხადა თეა წულუკიანმა.

თეა წულუკიანმა დაასახელა სადამკვირვებლო ორგანიზაციები, რომლებიც კავშირში არიან ოპოზიციურ პარტიებთან.

„129 სადამკვირველო ორგანიზაციიდან, 32 მათგანი არის ან პირდაპირ დაკავშირებული ოპოზიციურ პარტიებთან, ან მათთან ამა თუ იმ ფორმით აფილირებული. ყველაზე მრავლად ე.წ სადამკვირვებლო ორგანიზაციები ჰყავს „ნაციონალურ მოძრაობას“ 20 ორგანიზაციაა ასეთი, 8 ე.წ სადამკვირვებლო ორგანიზაცია ჰყავს „ნაციონალური მოძრაობის“ ერთ-ერთ დანაყოფს „ევროპულ საქართველოს“ და ასევე არის 2 ე.წ სადამკვირვებლო ორგანიზაცია, ასევე „ენმ“-ს მორიგი ერთ-ერთი დანაყოფის სახელზე, ეს არის „სტრატეგია აღმაშენებლი“ და არის „პატრიოტთა ალიანსთან“ კავშირში მყოფი ორი ე.წ სადამკვირვებლო ორგანიზაცია“, - აღნიშნა თეა წულუკიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს