„სტარტეგია აღმაშენებლის“ ლიდერის, გიორგი ვაშაძის განცხადებით, ხელისუფლება ორ ყველაზე ცუდ იარაღს იყენებს არჩევნების შედეგების მანიპულაციისთვის, კორონავირუსით ხალხის დაშინებას და პირდაპირ მოსყიდვას.

მისი თქმით, ოპოზიციას ბევრი მოხალისე და დამკვირვებელი ჰყავს იმისთვის, რომ ხელისუფლებამ არჩევნების გაყალბება ვერ შეძლოს.

„ხელისუფლება ორ ყველაზე ცუდ იარაღს იყენებს არჩევნების შედეგების მანიპულაციისთვის. პირველი - კორონავირუსით ხალხის დაშინება, რათა მათ არჩევნებზე მოსვლის შეეშინდეთ, რადგან ხელისუფლება ფიქრობს, ნაკლები ამომრჩეველი მათთვის კარგია. მეორე ეს არის პირდაპირი მოსყიდვა. უფრო და უფრო მეტი ინფორმაცია არის შემთხვევების, როდესაც ოპოზიციური ამომრჩევლისგან ყიდულობენ პირადობის დამადასტურებელ დოკუმენტებს. ჩვენ ამ თემებზე ვმუშაობთ და დამადასტურებელ  ფაქტებსაც წარმოგიდგენთ.

მინდა, მივმართო „ქართულ ოცნებას“. მეგობრებო, მაქსიმუმ 30-35% მიიღოთ შედეგი. რაც არ უნდა მანიპულაცია გააკეთოთ, იცოდეთ, რომ ჩვენ ძალიან ბევრი მოხალისე გვყავს, ძალიან ბევრი დამკვირვებელი იმისთვის, რომ ვერ შეძლოთ არჩევნებში გაყალბების უფლება. იცოდეთ, არჩევნებით მანიპულაციას თუ ეცდებით, საკადრის პასუხს მიიღებთ.

მოვუწოდებ მოქალაქეებს, ძალიან გთხოვთ, არ შეგაშინოთ კორონავირუსმა. არც ერთ დემოკრატიულ ქვეყანაში, სადაც ვირუსის პერიოდში არჩევნები ჩატარდა, არ გამხდარა ვირუსი გავრცელების წყარო. რადგან არჩევნები არის ძალიან ორგანიზებული პროცესი, სადაც გადადების ნულოვანი შანსია. ნუ გავხდებით თანამონაწილე იმ კამპანიისა, რაც ახლა „ქართულ ოცნებას“ აქვს და პირდაპირ ვადანაშაულებ ბატონ გახარიას, „ქართულ ოცნებას“ ხალხის დაშინებაში, რადაგან ისინი ფიქრობენ, კორონავირუსის აგრესიული კამპანიის პირობებში, ხალხი არ მივა არჩევნებზე“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს