"პატრიოტთა ალიანსის" გლდანის მაჟორიტარობის კანდიდატი მერაბ ჭიქაშვილი "ნაციონალური მოძრაობის" პერიოდში ჩადენილ დანაშაულებებსა და "ქართული ოცნების" მხრიდან დამნაშავეებისათვის ხელის დაფარებაზე საუბრობს.

ჭიქაშვილის განცხადებით, "პატრიოტთა ალიანსმა" დამნაშავეთა დასჯის მოთხოვნით პარლამენტს რეზოლუცია წარუდგინა, რომელსაც ხელი 500 000-მა მოქალაქემ მოაწერა, თუმცა, "ქართულმა ოცნებამ" ეს რეზოლუცია ჩააგდო. მისივე თქმით, "პატრიოტთა ალიანსი" არის ერთადერთი პარტია, რომელსაც კანონის აღსრულება შეუძლია.

"ყველაზე მთავარი არის სამართლიანობა და სამართალი. არსებობს დანაშაული და სასჯელი, ჩვენს ქვეყანაში კი არის მხოლოდ დანაშაული და დამნაშავე. კონკრეტულად ვიტყვი მხოლოდ ჩემს მაგალითზე. მე ვარ მერაბ ჭიქაშვილი, მიხეილ სააკაშვილის და ბოკერიას მმართველობის დროს 11-ჯერ დაკავებული, 3-ჯერ დაპატიმრებული, სტრასბურგის 2 გადაწყვეტილებაა ჩემს საქმეზე მიღებული. იმედია, ერთხმად ვაღიარებთ, რომ სტრასბურგის გადაწყვეტილება არის უზენაესი, როცა ვსაუბრობთ დასავლურ პარტნიორებზე. ასევე მინდა ვთქვა, რომ თუ ჩვენთვის ყველაზე მთავარი პრინციპი იქნება კანონის უზენაესობა, მერე შეგვიძლია, ყველაფერზე ვილაპარაკოთ. "პატრიოტთა ალიანსმა" შეადგინა რეზოლუცია დამნაშავეთა დასჯის შესახებ. ჩვენ ერთად გავიარეთ ის დრო და მეც მაინტერესებს თქვენი აზრი ამ საკითხთან დაკავშირებით - ერთად ვაპირებთ ცხოვრებას ამ ქვეყანაში და ჩემმა შვილმა, რომელიც წელს პირველად მონაწილეობს არჩევნებში, მინდა, რომ მართლაც თავისუფალ გარემოში მისცეს ხმა. ჩემთვის მთავარია სასამართლო და კანონის უზენაესობა! კონკრეტულად ჩემს საქმეში წერია, რომ დანაშაული გამოძიებულ იქნას და სათანადოდ დაისაჯონ პირები. 2012 წლიდან დავდივარ შინაგან საქმეთა სამინისტროს და პროკურატურის თანამშრომლებთან და რა არის ყველაზე საოცარი - "ქართულმა ოცნებამ" გაასაჩივრა ეს გადაწყვეტილება სტრასბურგში და დამნაშავეებს დააფარა ხელი! "პატრიოტთა ალიანსის" რეზოლუციას 500 000-მა მოქალაქემ მოაწერა ხელი, "ქართულმა ოცნებამ" კი ჩააგდო! დამნაშავე არ დასჯილა და ამით "ოცნებამ" გვითხრა, რომ ქვეყანაში სამართალი არ იქნება! ვერაფერზე ვერ ვილაპარაკებთ, სანამ ქვეყანაში კანონის უზენაესობა არ იქნება! გუნდი, რომელსაც მე წარმოვადგენ და ვისაც თქვენ ახლა ესაუბრებით, არის ერთადერთი, ვისაც აქვს პოლიტიკური ნება და შეუძლია აღასრულოს კანონი! 2009 წლის 15 ივლისი, თუ გახსოვთ, სადაც 150 ახალგაზრდას გზა გადაგვიკეტეს შეგნებულად, კონკრეტულად, სააკაშვილის და ბოკერიას მთავრობამ, რომელიც მაშინ ჟურნალისტებს, პოლიტიკოსებს სცემდა, რაც იყო პირდაპირი დანაშაული! დამნაშავე, რომელიც მე პირდაპირი ეთერიდან მელაპარაკება! მე, ამოცნობაზე მისული მერაბ ჭიქაშვილი, როდესაც მივდივარ და ხელს ვადებ, მაინც არავინ მათ არ სჯის! ეს არის უსამართლობა!" - განაცხადა მერაბ ჭიქაშვილმა.

ავტორი: NS (სტატია დაფინანსებულია),

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება