დღეს მშვიდობის საერთაშორისო დღეა. ამ დღესთან დაკავშირებით, საქართველოს მშვიდობის დამცველები თბილისის 133-ე საჯარო სკოლის პატარა მეგობრებს შეხვდნენ. პროექტის „წერილები ჯარისკაცებს“ ფარგლებში, ავღანეთში, ფარვანის პროვინციაში დისლოცირებულმა საქართველოს შეიარაღებული ძალების IV მექანიზირებული ბრიგადის სამხედროებმა 133-ე სკოლის VIა კლასის მოსწავლეებს საპასუხო წერილები გამოუგზავნეს.

თავდაცვის სამინისტროს ინფორმაციით, ბავშვებს წერილები სახმელეთო ჯარების აღმოსავლეთ სარდლობის ოფიცრებმა მიუტანეს და სამახსოვროდ 43-ე ბატალიონის მიერ გამოგზავნილი საქართველოს სახელმწიფო დროშა გადასცეს, რომელიც ავღანეთში, ფარვანის პროვინციაში ბაგრამის საავიაციო ბაზაზე ბატალიონის მართვის პუნქტის წინ იყო აღმართული. ოფიცრებმა პატარა მეგობრებს ვიდეორგოლიც უჩვენეს და აუხსნეს, თუ როგორ უზრუნველყოფენ ქართველი ჯარისკაცები მათი თანატოლების მშვიდობასა და უსაფრთხოებას ავღანეთში.

მოსწავლეებმა მშვიდობისდამცველებს გულთბილი დახვედრა ქართული ხალხური საბრძოლო სიმღერით „ლაშქრული“ მოუწყეს და კლიპი უჩვენეს, სადაც ასახულია რამ შთააგონა პატარები სამშობლოდან შორს მყოფი სამხედროებისთვის წერილები მიეწერათ; შეხვედრის ბოლოს კი თეატრალური წარმოდგენა „სათაგური“ შესთავაზეს.

133-ე სკოლის მოსწავლეებმა ქართველ სამხედროებს ავღანეთში წერილები ივნისში გაუგზავნეს. „წერილები ჯარისკაცებს“ საქართველოს თავდაცვის, იუსტიციის,  განათლებისა და მეცნიერების სამინისტროების ერთობლივი პროექტია, რომელსაც დანაშაულის პრევენციის ცენტრი სტუდენტებთან ერთად 2012 წლიდან ახორციელებს.  პროექტის ფარგლებში, თბილისისა და საქართველოს რეგიონების საჯარო სკოლების მოსწავლეები წერილებს წერენ ავღანეთში მყოფ ქართველ სამხედრო მოსამსახურეებს. საპასუხო წერილებს ბავშვებს ჯარისკაცებიც უგზავნიან. პროექტის მიზანი, სამშობლოდან  შორს მყოფი მებრძოლებისათვის  თანადგომისა და მხარდაჭერის გამოხატვაა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა

მაუწყებლებს, რომლებსაც საინფორმაციო გამოშვება არ აქვთ, უცხოური დაფინანსების მიღება აღარ აეკრძალებათ