ომარ ტაკიძემ სამუშაო თათბირი გამართა

2020-10-15 17:09:04, 787 ნახვა

რეგიონი

შუახევის მერის მოვალეობის შემსრულებელმა ომარ ტაკიძემ, მერიის სამსახურის ხელმძღვანელებთან და განყოფილებების უფროსებთან თათბირი გამართა

. თათბირის მუშაობაში მონაწილეობა მერის მოადგილე რუსუდან შავაძე.

შეხვედრაზე ხელმძღვანელმა პირებმა სამსახურის უფროსების მიერ 9 თვის ანგარიში მოისმინეს გაწეული სამუშაოების შესახებ. ისაუბრეს მიმდინარე საკითხებთან ერთად სამომავლო გეგმებსა და ინიციატივებზე.

ყურადღება გამახვილდა ინფრასტრუქტურული ღონისძიებების, სოფლის მხარდაჭერის პროგრამის მიმდინარეობაზე და მშენებლობის განსაზღვრულ ვადებში განხორციელების საკითხებზე.

აღინიშნა, რომ მიუხედავად არსებული მდგომარეობისა, ინფრასტრუქტურული სამუშაოები ჯანდაცვის რეკომენდაციების დაცვით აქტიურად მიმდინარეობს. შესაბამის სამსახურებს მიეცათ დავალებები 2021 წლის ბიუჯეტის დაგეგმარებისა და პროექტების შესყიდვასთან დაკავშირებით დროულად მოამზადონ შესაბამისი დოკუმენტაცია.

თათბირზე სხვა შემხვედრ საკითხებთან ერთად განიხილეს ეპიდემიოლოგიური ვითარება მუნიციპალიტეტში და მოსახლეობისათვის აქტუალური საკითხები.