იმნაძე „დინამო არენასთან“ შეკრებილ გულშემატკივრებზე - სხვებზეც ხომ უნდა ფიქრობდეთ?

2020-10-09 22:28:35, 722 ნახვა

კომენტარი

„სხვებზეც ხომ უნდა ფიქრობდეთ?“ , - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ ტელეკომპანია „პირველის“ პირდაპირ ეთერში განაცხადა.

მან აღნიშნა, რომ შეკრებილმა გულშემატკივრებმა არ იფიქრეს თავიანთ ოჯახის წევრებზე.

„ბებიები და ბაბუები ხომ ჰყავთ იმ ახალგაზრდებს, ვინც გუშინ იქ იყვნენ? მეტს არაფერს არ ვიტყვი.

სხვაზეც ხომ უნდა ვიფიქროთ ხანდახან“ , - განაცხადა პაატა იმნაძემ.

შეგახსენებთ, რომ 8 ოქტომბრეს საქართველოსა და ბელარუსის მატჩზე უეფას რეკომენდაციის მიუხედავათ, საქართველოს მთავრობამ „დინამო არენაზე“ მაყურებელთა მხოლოდ 30%ის დასწრება ყოველგვარი რეკომენდაციების დაცვით რისკად აღიქვა და ნებართვა არ გასცა.

გულშემატკივარი ნაკრების თამაშის საყურებლად სტადიონის ცენტრალურ შესასვლელთან შეიკრიბა, სადაც დამონტაჟებული იყო ეკრანი.

გულშემატკივართა რაოდენობის გამო წერეთლის გამზირი ნახევრად პარალიზებული იყო.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,