აფგან მუხთარლი: საქართველოს საკონსულო და ავიახაზები თბილისში ჩამოსვლაში ხელს მიშლიან

2020-10-09 14:41:41, 1187 ნახვა

კომენტარი

„საქართველოს საკონსულო და ავიახაზები თბილისში ჩამოსვლაში ხელს მიშლიან”, - ამის შესახებ აზერბაიჯანელი ჟურნალისტი აფგან მუხთარლი სოციალურ ქსელში წერს.

მისი თქმით, როგორც ჩანს, გაიგეს რომ თბილისში მოდის და ახლა მისი შეჩერება სურთ.

„გერმანიაში აეროპორტში საქართველოს საკონსულო და ავიახაზები თბილისში ჩამოსვლაში ხელს მიშლიან. მათ ნახეს ჩემი დოკუმენტები და თქვეს, რომ წესრიგში არაა. ეს არ შეესაბამება სიმართელს. როგორც ჩანს, გაიგეს რომ მოვდივარ და ახლა სურთ, შემაჩერონ. ჩემი დოკუმენტები შეესაბამება იმას, რაც საგარეო საქმეთა სამინისტროს ვებგვერდზე იყო მითიტებული. მე ისინი შევავსე და მივიღე თანხმობა გამგზავრებაზე", - წერს აფგან მუხთარლი.

შეგახსენებთ, რომ თბილისში დღეს აზერბაიჯანელი ჟურნალისტი აფგან მუხთარლი ჩამოდის. მისი ადვოკატის თქმით, ჟურნალისტი დღეს პროკურატურაში გამოიკითხება.

ცნობისთვის, აზერბაიჯანელი ჟურნალისტი საქართველოსა და აზერბაიჯანის ხელისუფლებებს 2017 მაისში თბილისიდან მისი გატაცებისა და თავისუფლების უკანონოდ აღკვეთის ედავება.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან