გიგი უგულავა: თუ სამართლებრივი ძალადობა არ მოხდა, ამ პროცესის დღეს დასრულება შეუძლებელია

2015-09-18 12:58:04, 624 ნახვა

სამართალი

თბილისის საქალაქო სასამართლოში „თბილსერვის ჯგუფისა“ და „რიყის“ გასხვისების საქმეზე სასამართლო პროცესი მიმდინარეობს.
სხდომას ბრალდებული, დედაქალაქის ყოფილი მერი გიგი უგულავაც ესწრება.
როგორც სხდომის დაწყებამდე უგულავამ ჟურნალისტებს განუცხადა, თუ კი სამართლებრივი ძალადობა არ მოხდა, ამ პროცესის დღეს დასრულება შეუძლებელია.
დღევანდელ სასამართლო სხდომაზე ადვოკატებმა დასკვნითი სიტყვა უნდა თქვან.
თუმცა, ამ დროისთვის უცნობია დაასრულებს თუ არა დაცვის მხარე დასკვნითი სიტყვის დარჩენილ ნაწილს დღევანდელ სასამართლო სხდომაზე.
„თუ არ მოხდა სამართლებრივი ძალადობა, დღეს ამ პროცესის დასრულება შეუძლებელია. დღეს ამ კონკრეტულ საქმეზე ვიმყოფებით ადვოკატის დასკვნითი სტყვის ეტაპზე, ამის შემდეგ არის რეპლიკების ეტაპი, რეპლიკას ამბობს ბრალდების მხარე, შემდეგ ჩვენ და შემდეგ ცალკე ეტაპია ბრალდებულის სიტყვა. ამის შემდეგ მოსამართლე მიდის გადაწყვეტილების მისაღებად. თუ მოსამართლე თამაზ მეჭიაურის ინსტრუქციებით მოქმედებს, ეს იქნება სამართლებრივი ძალადობა. მე ერთადერთი ძალა მაქვს, ეს ძალა არის სიმართლე. ჩემი ძალა არის გამძლეობა. ნებისმიერ გამოწვევას გავუძლებ. აბსურდულია ის ბრალდებები, რასაც განვიხილავთ, თუ იქნება უზრუნველყოფილი სასამართლოს დამოუკიდებლობა, მინიმუმ იმით გამოჩნდება, ააჩქარებენ თუ არა მოსამართლეს. ტურავას საქციელის შემდეგ, მგონი ჯანსაღ, ჭკუამყოფელ ადამიანს შეკითხვები აღარ დარჩა“, – აღნიშნა გიგი უგულავამ.