შაქარაშვილის საქმის პროკურორი - სისხლის სამართლებრივ საქმეზე დევნის შეწყვეტის საფუძვლები ნამდვილად არ არსებობს

2020-09-28 14:38:55, 613 ნახვა

სამართალი

პროკურორმა დავით ყაზარაშვილმა განაცხადა, რომ გიორგი შაქარაშვილის სისხლის სამართლებრივ საქმეზე დევნის შეწყვეტის საფუძვლები დღეს ნამდვილად არ არსებობს.

ყაზარაშვილი აღნიშნავს, რომ ბრალდების მიერ წარმოდგენილი მტკიცებულებები იძლევა იმის ვარაუდს, რომ ბრალდებულების მიმართ გამამტყუნებელი განაჩენი დადება.

„დევნის შეწყვეტის საფუძვლები დღეს ნამდვილად არ არსებობს სისხლის სამართლებრივ საქმეზე. ბრალდების მხარეს მიაჩნია, რომ ის მტკიცებულებები, რომელიც ჩვენ წარმოვადგინეთ იძლევა ალბათობის ძალიან მაღალი ხარისხით ვარაუდის საფუძველს, რომ ყველა ბრალდებულის მიმართ დადგება გამამტყუნებელი განაჩენი“, - განაცხადა ყაზარაშვილმა.

შეგახსენებთ, რომ დღეს გახდება ცნობილი გიორგი შაქარაშვილის მკვლელობის საქმე ნაფიც მსაჯულთა სასამართლოს გადაეცემა თუ არა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან