2020-09-26 10:04:45, 534 ნახვა

---

ნათია მეზვრიშვილი - წელს საქართველოს მხარდამჭერმა რეზოლუციამ გაეროს წევრი ქვეყნების უპრეცედენტოდ დიდი მხარდაჭერა მოიპოვა

წელს საქართველოს მხარდამჭერმა  რეზოლუციამ გაეროს წევრი ქვეყნების უპრეცედენტოდ დიდი მხარდაჭერა მოიპოვა, - ამის შესახებ მთავრობის ადმინისტრაციის ხელმძღვანელმა ნათია მეზვრიშვილმა განაცხადა.

მისი თქმით, აღნიშნული ქვეყნის საგარეო პოლიტიკისა და დიპლომატიის ეფექტიანი მუშაობის შედეგია.

„პირველ რიგში, ეს არის რუსული ოკუპაცია, ჰუმანიტარული კრიზისი, რომელშიც ოკუპაციით დაზარალებულ ჩვენს მოქალაქეებს ყოველდღიური ცხოვრება უწევთ. პრემიერმა მადლობა გადაუხადა გაეროს წევრ ქვეყნებს იმ მხარდაჭერისთვის, რომელსაც ჩვენ ყოველთვის ვიღებთ ჩვენი მეგობარი ქვეყნებისგან და აღნიშნა, რომ დღეს, როდესაც უკანონო ბორდერიზაცია გრძელდება, კიდევ უფრო დიდ მნიშვნელობას იძენს მათი მხარდაჭერის განმტკიცება, რათა მსოფლიომ ერთობლივი ძალებით აიძულოს რუსეთი, შეასრულოს საერთაშორისო ნორმები და ნაკისრი ვალდებულებები. ამ კონტექსტში განსაკუთრებულად აღინიშნა, რომ წელს საქართველოს მხარდამჭერმა  რეზოლუციამ გაეროს წევრი ქვეყნების უპრეცედენტოდ დიდი მხარდაჭერა მოიპოვა, რაც უდავოდ ჩვენი საგარეო პოლიტიკისა და დიპლომატიის ეფექტიანი მუშაობის შედეგია", - განაცხადა ნათია მეზვრიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი