საქართველოს შეიარაღებული ძალების სამხედრო მოსამსახურეები მოხუცთა თავშესაფარსა და ბავშვთა სოფელს ესტუმრნენ.

თავდაცვის სამინისტროს ინფორმაციით, სამხედროებმა საერთაშორისო ჰუმანიტარულ კავშირ „კათარზისისა“ და ასოციაცია „საქართველოს SOS ბავშვთა სოფლის“ ბინადრებს პირველადი მოხმარების ჰიგიენური საშუალებები და სხვადასხვა სახის კვების პროდუქტი გადასცეს.

მოხუცები და ბავშვები ჯარისკაცებთან შეხვედრით და საუბრით კმაყოფილები დარჩნენ. ასაკოვნებმა სამხედრო სამსახურთან დაკავშირებული ისტორიები გაიხსენეს, ბავშვები კი ჯარისკაცების ცხოვრებით დაინტერესდნენ და სამხედრო ნაწილებში სტუმრობის სურვილიც გამოთქვეს.

სამხედრო მოსამსახურეებმა მასპინძლებთან საუბრისას აღნიშნეს, რომ პროფესია - ჯარისკაცი სოციალურ პასუხისმგებლობასაც გულისხმობს და ქველმოქმედება სამხედროებისთვის ყოველდღიურობის ნაწილია. მათივე თქმით, თავდაცვის უწყებისთვის არა მარტო მოსახლეობის უსაფრთხოებაზე ზრუნვა, არამედ, მათი მორალური მხარდაჭერაც მნიშვნელოვანია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა

მაუწყებლებს, რომლებსაც საინფორმაციო გამოშვება არ აქვთ, უცხოური დაფინანსების მიღება აღარ აეკრძალებათ