პრეზიდენტმა გიორგი მარგველაშვილმა კომპეტენტურ პირებს მოუწოდა, 9 თებერვლამდე უზენაესი სასამართლოს თავჯდომარეობის კანდიდატებზე საკუთრი მოსაზრებები წარმოადგინონ.

მარგველაშვილმა ამის შესახებ პრეზიდენტის ადმინისტრაციაში გამართულ ბრიფინგზე განაცხადა.

„ვაცხადებ შემდეგ ნაბიჯს  და უკვე საზოგადოებას, პროფესიულ წრეებს, იმ ხალხს ვინც არის კომპეტენტური ამ სფეროს მიმართულებით, ვთხოვთ, 9 თებერვლამდე პრეზიდენტის ადმინისტრაციაში წარმოადგინონ უკვე თავიანთი მოსაზრებები კანდიდატურებთან დაკავშირებით. ბუნებრივია შემდგომ ამ კანდიდატურების სიას გაცხრილავს და ჩამოაყალიბებს შეხედულებას  ადმინისტრაციაში შექმნილი კომპეტენტური კომისია. ამის შემდეგ კი შედეგებს გაუზიარებს ისევ საზოგადოებას“, - აღნიშნა მარგველაშვილმა. 

მან უზენაესი სასამართლოს კანდიდატურის შერჩევის პროცესთან დაკავშირებით გამართულ დისკუსიებზეც ისაუბრა და აღნიშნა, რომ მსგავსი პროცესი აქამდე არ ყოფილა.

„უზენაესი სასამართლოს თავჯდომარეობის პროცესთან დაკავშირებით ჩვენ დავიწყეთ ქართული საზოგადოებისათვის აქამდე არ ნახული ღია პროცესი, რომელშიც ჩავრთეთ ყველა პოლიტიკური ძალა, ექსპერტული  საზოგადოება  და გავხსენით ამ მიმართულებით ფართე დისკუსია.  მნიშვნელოვანია ის, რომ მთელი საზოგდოება, მათ შორის პოლიტიკური პარტიები ფაქტიურად თანხმდებიან ერთი და იგივე კრიტერიუმებზე.   დღეს საპარლამენტო უმრავლესობაც და ოპოზიციური ძალაც ჩვენ ფაქტიურად ერთ ხედვაზე გველაპარაკებიან. განსხვავებული პატარა დეტალები, რა თქმა უნდა არსებობს, მაგრამ ჯამში ეს არის ერთი კრიტერიუმები, რაც  ძალიან მნიშვნელოვანია საზოგადოებრივი პოლიტიკური პროცესისათვის“, - განაცხადა გიორგი მარგველაშვილმა.

პრეზიდენტის შეფასებით, მსგავსი ღია და გამჭვირვალე პროცესი სასამართლოს მიმართ ნდობის ასამაღლებლად მნიშვნელოვანია.

„მე მინდა ხაზი გავუსვა ასევე იმას, რომ ასეთი ღია , გამჭვირვალე და უპრეცედენტო პროცესი მნიშვნელოვანია სწორედ დღეს, როდესაც ჩვენი სასამართლოს მიმართ ნდობის ფაქტორი ასამაღლებელია,  როდესაც სასამართლო, როგორც ერთ-ერთი ყველაზე მნიშვნელოვანი ინსტიტუტი ჩვენი სახელმწიფოებრიობის უნდა გახდეს სანდო ინსტიტუტი და ჩემი აზრით საზოგადოების ჩართულობა ამ პროცესში განავითარებს იმ რეფორმების მიმართ ნდობას, რომელიც ჩვენი სასამართლო სისტემაში უნდა განხორციელედეს“, - აღნიშნა მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან