ბელარუსის საკოორდინაციო საბჭოს წევრებმა, ოპოზიციის ერთ-ერთმა ლიდერმა მარია კოლსენიკოვამ, პასპორტი დახია, რათა უკრაინაში მისი დეპორტაცია არ მომხდარიყო. ამის შესახებ ინფორმაციას Reuters-ი ავრცელებს.

მოგვიანებით განმარტება ტელეკომპანია "დოჟდთან" გააკეთა უკრაინის შინაგან საქმეთა მინისტრის მოადგილე ანტონ გერაშენკომ, რომელმაც განაცხადა, რომ კოლესნიკოვას უკრაინის საზღვარი არ გადმოუკვეთავს.

უკრაინის ინტერფაქსი წყაროზე დაყრდნობით წერს, რომ კოლესნიკოვამ თავისი პასპორტი დახია, რათა საზღვარზე უკრაინელ მაღალი რანგის პირებს მისთვის საზღვრის გადაკვეთის უფლება არ მიეცათ. 
არსებული ინფორმაციით კოლესნიკოვა დაკავებულია ლუკაშენკოს რეჟიმის მიერ, მისი ადგილსამყოფელი უცნობია.
კოლესნიკოვას გატაცებას ეხმაურებიან ევროპელი დიპლომატები, გერმანიის საგარეო უწყების ხელმძღვანელის ჰაიკო მაასის განცხადებით, კოლესნიკოვას სიცოცხლესა და ჯანმრთელობაზე ლუკაშენკოა პასუხისმგებელი. 
მანამდე ვრცელდებოდა ცნობა, რომ კოლესნიკოვამ და ოპოზიციური საკოორდინაციო საბჭოს კიდევ ორმა წევრმა ქვეყანა დატოვეს და უკრაინაში გაემგზავრნენ. თუმცა, მოგვიანებით სახელმწიფო საზღვრის კომიტეტში განმარტეს, რომ დღეს დილით უკრაინაში გადასვლის დროს მოხდა ინციდენტი, რა დროსაც მარია კოლესნიკოვა დააკავეს.

7 სექტემბერს ბელარუსის მედიამ გაავრცელა ცნობა, რომ ოპოზიციონერი მარია კოლესნიკოვა უცნობმა პირებმა გაიტაცეს.

ავტორი: ექსპრესნიუსი,

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ