ფრაქცია „ქართული ოცნების“ თავმჯდომარის, რატი იონათამიშვილის განცხადებით, მიხეილ სააკაშვილის საქართველოში დაბრუნების შემთხვევაში ის სასჯელაღსრულების საკანში აღმოჩნდება.

მისივე თქმით, სააკაშვილის პრემიერობის კანდიდატად დასახელებით მისი მხარდამჭერი პარტიებიც აღიარებენ, რომ მისი დანაშაულის თანამზრახველები არიან.

„ამ ადამიანმა ფაქტობრივად 10 დღის უკან უმძიმესი დანაშაულები აღიარა საკუთარი პირით. ამის შემდეგ ოპოზიცია მას ასახელებს პრემიერ-მინისტრობის კანდიდატად. ესენი არიან ჩვენი პოლიტიკის წარსულები, რადგანაც აქვთ ჩადენილი უმძიმესი დანაშაულები და ამ დასახელებით მისი მხარდამჭერი პარტიებიც აღიარებენ, რომ ისინი არიან თანამზრახველები ამ დანაშაულებში. ამიტომ, ერთადერთი რაც მისი ჩამოსვლის შემდეგ მოხდება არის ის, რომ აღსდგება სამართლიანობა და ის აღმოჩნდება სასჯელაღსრულების საკანში“, - განაცხადა რატი იონათამიშვილმა.

ცნობისთვის, საქართველოს ყოფილმა პრეზიდენტმა, მიხეილ სააკაშვილმა გუშინ განაცხადა, რომ საქართველოში დაბრუნების შესახებ დეტალებს დღეს გააჟღერებს. პარალელურად, დღეს "ნაციონალური მოძრაობის" წევრმა, გრიგოლ ვაშაძემ განაცხადა, რომ ენმ-სა და "ძალა ერთობაშიას" პრემიერობის კანდიდატი მიხეილ სააკაშვილი იქნება.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა