პროკურატურამ გ.ს.-ს განზრახ მკვლელობის ფაქტზე გ.ზ-ს, აგრეთვე განზრახ მკვლელობის შესახებ ცრუ ინფორმაციის მიწოდებისა  და დანაშაულის შეუტყობინებლობის ფაქტზე დ.თ.-ს  და ბ.ბ.-ს  ბრალდება წარუდგინა.

ინფორმაციას გენერალური პროკურატურა ავრცელებს.

უწყების ცნობით, 2020 წლის 26 აგვისტოს, ქ. თბილისში, გ.ზ.-მ   ურთიერთშელაპარაკების ნიადაგზე, მოკვლის განზრახვით, გ.ს.-ს დანით მიაყენა ჭრილობები  გულმკერდის და თავის არეში, რის შემდეგაც შემთხვევის ადგილიდან მიიმალა. ა. ალადაშვილის სახელობის კლინიკაში გადაყვანილი გ.ს. გაწეული სამედიცინო დახმარების მიუხედავად, მიყენებული დაზიანებებით გარდაიცვალა.

გამოძიებით ასევე დადგენილია, რომ ზემოხსენებულ ფაქტს შეესწრნენ ბ.ბ. და დ.თ.,  რომლებმაც აღნიშნულის შესახებ არ შეატყობინეს სამართალდამცავ ორგანოებს. ამასთანავე, მოწმის სახით გამოკითხვისას, დ.თ.-მ მომხდარ ფაქტთან დაკავშირებით გამოძიებას ცრუ ინფორმაცია მიაწოდა.

სამართალდამცველებმა  გ.ზ., ბ.ბ., და დ.თ. 2020 წლის 27 აგვისტოს დააკავეს.

უწყებამ  გ.ზ.-ს ბრალდება სსსკ-ის 108-ე მუხლით (განზრახ მკვლელობა), დ.თ.-ს სსსკ-ის 370-ე  მუხლის მე-3  ნაწილითა და 376-ე მუხლის მე-3 ნაწილით (ცრუ ინფორმაციის მიწოდება და დანაშაულის შეუტყობინებლობა), ხოლო ბ.ბ-ს სსსკ-ის 376-ე მუხლის მე-3 ნაწილით წარუდგინა.

პროკურატურამ ბრალდებულების, გ.ზ.-ს, ბ.ბ.-ს  და დ.თ.-ს  მიმართ აღკვეთის ღონისძიების შეფარდების  შუამდგომლობით  სასამართლოს უკვე მიმართა.

ავტორი: ექსპრესნიუსი,

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ