მოძრაობა „თეთრი ხმაურის“ წევრი, პაატა საბელაშვილი პარლამენტის ადამიანის უფლებათა დაცვის კომიტეტის თავმჯდომარის, სოფო კილაძის ინიციატივას ეხმაურება, რომლის მიხედვითაც პირველი სექტემბრიდან მედიასა და ინტერნეტში ბავშვებისთვის საფრთხის შემცველი შინაარსის ინფორმაციის გავრცელება შეიზღუდება.

როგორც საბელაშვილი სოციალურ ქსელში წერს, თუ სოფო კილაძეს „ეს საკანონმდებლო ინიციატივა გაუვიდა, სჯობს ყველამ ერთად ჩავალაგოთ ჩემოდანი და სამუდამოდ შევატოვოთ ეს ანგელიზივით ქვეყანა, ამ ჯოჯოხეთივით მოციქულს“.

 „განგაშის ზარები! ამ სალახანას მავნებლობა მანამდე არ მორჩება, სანამ ბერა არ დაპოსტავს რამეს? ბევრი ჩემი მეგობარი ამ პოსტის ქვეშ სარკასტულად მოიხსენიებს სოფო კილაძის გაუკუღმართებულ თავში დატრიალებულ აზრებს. მინდა ერთი რამე გითხრათ მეგობრებო, ეს სახუმარო ამბავი არ გეგონოთ. ჩათვალეთ, რო მის ჰომოფობ და ნარკოფობ თავში რაც ოდესმე მომწიფებულ, ასევე ფაშისტური რეჟიმების ბოლო რამდენიმე დეკადის ისტორიაში, თუ რომელიმე
ქვეყანაში მაგავსი სისულელე აღმოცენებულა, ყველაფერი ერთ ინიციატივაში მოაქცია ამ არ ვიცი მართლა რა ვუწოდო.

“ბავშვების მავნე ზემოქმედებისგან დაცვა” ასე ამართლებენ ხოლმე სიტყვის თავისუფლების შეზღუდვას. ზუსტად ასეთი კანონები მიიღეს ჩვენ დიდ ძმასა და მეგობარ რუსეთში 10 წლის წინ და დღეს სამოქალაქო საზოგადოება უცხო ქვეყნის აგენტებად ჰყავთ შერაცხული. მოკლედ ეს საკანონმდებლო ინიციატივა თუ გაუვიდა, სჯობს ყველამ ერთად ჩავალაგოთ ჩემოდანი
და სამუდამოდ შევატოვოთ ეს ანგელოზივით ქვეყანა ამ ჯოჯოხეთის მოციქულს. თუ კი ეს ამას მაინც გაიტანს, ჩათვალეთ, რომ ვისაც რაიმენაირი პრეტენზია გაქვთ, რომ ამ ქვეყანაში ადამიანის უფლებები და თავისუფლებები (მათ შორის ბავშვთა) გადარდებთ და მეტადრე ხელფასს იღებთ მაგაში, ადექით და ერთად მიყევით სოფო კილაძეს. ამის გატარება არ გამოვა. სა-კმა-რი-სი-ა!“, - წერს საბელაშვილი სოციალურ ქსელში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა